សេចក្ដី​ប្រកាស​ព័ត៌មាន​របស់​គណៈកម្មការ​អន្តរក្រសួង​ដើម្បី​ប្រយុទ្ធ​នឹង​ជំងឺ​កូ​វី​ដ​១៩​ ស្តី​ពី​ការ​កែសម្រួល​វិធានការ​ត្រួតពិនិត្យ​សុខភាព​អ្នកដំណើរ​កាន់​លិខិតឆ្លងដែន​នៃ​ព្រះរាជាណាចក្រ​កម្ពុជា​ចូល​មក​ប្រទេស​កម្ពុជា​តាម​ច្រក​ចេញចូល​អន្តរជាតិ​

នៅ​ថ្ងៃ​ទី​២៧​ ខែឧសភា​ ឆ្នាំ​២០២០​ គណៈកម្មការ​អន្តរក្រសួង​ដើម្បី​ប្រយុទ្ធ​នឹង​ជំងឺ​កូ​វី​ដ​១៩​បាន​ចេញ​សេចក្តី​ប្រកាស​មួយ​ ស្តី​ពី​ការ​កែសម្រួល​សេចក្តី​ប្រកាស​លេខ​១០១​ ស្តី​ពី​វិធានការ​ទប់ស្កាត់​ការ​រីក​រាលដាល​ជំងឺ​កូ​វី​ដ​១៩​ តាម​រយៈ​អ្នក​ធ្វើ​ដំណើរ​ទាំងអស់​ចូល​ក្នុង​ប្រទេស​កម្ពុជា​។​ សេចក្តី​កែសម្រួល​មាន​ខ្លឹមសារ​ដូច​តទៅ​៖

 ១​ លើកលែង​វិញ្ញាបនបត្រ​បញ្ជាក់​សុខភាព​ បញ្ជាក់​ថា​គ្មាន​មេរោគ​កូ​វី​ដ​ ១៩​ សម្រាប់​អ្នកដំណើរ​ជា​ជនជាតិ​ខ្មែរ​កាន់​លិខិតឆ្លងដែន​នៃ​ព្រះរាជាណាចក្រ​កម្ពុជា​ ដែល​ធ្វើ​ដំណើរ​ចូល​មក​ ព្រះរាជាណាចក្រ​កម្ពុជា​

២​ រាល់​វិធានការ​ផ្សេង​ទៀត​ដែល​មាន​ចែង​ក្នុង​សេចក្ដី​ប្រកាស​លេខ​១០១​ ចុះ​ថ្ងៃ​ទី​២០​ ខែឧសភា​ ឆ្នាំ​២០២០​ របស់​គណៈកម្មការ​អន្តរក្រសួង​ដើម្បី​ប្រយុទ្ធ​នឹង​ជំងឺ​កូ​វី​ដ​១៩​ ត្រូវ​ស្ថិត​នៅ​ជា​ធរមាន​ដដែល​

គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ ១៩

ទាញយក៖ pdf