សេចក្តីជូនដំណឹង ស្តីពីការបញ្ឈប់ឲ្យដំណើរការប្រព័ន្ធគ្រប់គ្រងការបង្វិលសងអាករលើតម្លៃបន្ថែម (E-VAT Refund System) ដោយជំនួសមកវិញ នូវប្រព័ន្ធគ្រប់គ្រងការដាក់លិខិតប្រកាសពន្ធតាមអនឡាញ (E-Filing System)
នៅថ្ងៃទី ០៧ ខែធ្នូ ឆ្នាំ២០២០ អគ្គនាយកដ្ឋានពន្ធដារបានចេញសេចក្តីជូនដំណឹងមួយស្តីពីការបញ្ឈប់ឲ្យដំណើរការប្រព័ន្ធគ្រប់គ្រងការបង្វិលសងអាករលើតម្លៃបន្ថែម (E-VAT Refund System) ដោយជំនួសមកវិញ នូវប្រព័ន្ធគ្រប់គ្រងការដាក់លិខិតប្រកាសពន្ធតាមអនឡាញ (E-Filing System)។ អគ្គនាយកដ្ឋានពន្ធដារបានជម្រាបជូនដំណឹងដល់ក្រុមហ៊ុន និងសហគ្រាសទាំងអស់ថាកន្លងមកអគ្គនាយកដ្ឋានពន្ធដារបានដាក់ឱ្យប្រើប្រាស់នូវប្រព័ន្ធគ្រប់គ្រងការបង្វិលសងអាករលើតម្លៃបន្ថែម (E-VAT Refund System) តាមរយៈសេចក្ដីណែនាំលេខ ០០១ សហវ ចុះថ្ងៃទី ០៩ ខែមករាឆ្នាំ ២០១៩។ ក្រោយមក តាមរយៈសេចក្ដីណែនាំលេខ ០០៣ សហវ ចុះថ្ងៃទី ២៧ ខែកុម្ភះឆ្នាំ ២០២០ បានផ្តល់ជម្រើសជំរើសដល់អ្នកជាប់ពន្ធលើការប្រើប្រាស់ប្រព័ន្ធមួយក្នុងចំណោមប្រព័ន្ធទាំងពីរ ដើម្បីបំពេញកាតព្វកិច្ចដាក់លិខិតប្រកាសពន្ធ។
អគ្គនាយកដ្ឋានពន្ធដារ
