អូស្ត្រាលីគាំទ្រការស្តារឡើងវិញនៃសេដ្ឋកិច្ចនៅកម្ពុជាតាមរយៈគម្រោងភាពជាដៃគូមេគង្គ-អូស្ត្រាលី (MAP)
នៅថ្ងៃទី ១៨ ខែសីហា ឆ្នាំ២០២១ ស្ថានទូតអូស្ត្រាលីប្រចាំនៅកម្ពុជា បានចេញសេចក្តីប្រកាសព័ត៌មានស្តីពី ការគាំទ្រដោយអូស្ត្រាលីដល់ការស្តារឡើងវិញនៃសេដ្ឋកិច្ចនៅកម្ពុជាតាមរយៈគម្រោងភាពជាដៃគូមេគង្គ-អូស្ត្រាលី (MAP)។ ជំងឺកូវីដ-១៩ បានបង្កផលរំខានជាខ្លាំងដល់ការអភិវឌ្ឍសេដ្ឋកិច្ចរបស់ម្ពុជា មានន័យថាកម្ពុជាត្រូវស្វែងរកធនធានថ្មីៗ ដើម្បីទ្រទ្រង់កំណើនសេដ្ឋកិច្ចប្រកបដោយចីរភាព និងបរិយាបន្ន។
កាលពីម្សិលមិញ ឯកអគ្គរាជ Pablo Kang បានបង្ហាញសង្ខេបជូនចំពោះ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អំពីកម្មវិធីជំនួយថ្មីៗរបស់អូស្ត្រាលីក្នុងប្រទេសកម្ពុជាក្រោមភាពជាដៃគូមេគង្គ-អូស្ត្រាលីដែលមានគោលបំណងប្រើប្រាស់ឱកាសថ្មីៗ និងគ្រប់គ្រងហានិភ័យ ដើម្បីពង្រឹងភាពរឹងមាំ និងការស្តារឡើងវិញពីជំងឺកូវីដ-១៩ របស់កម្ពុជា។ នេះរួមបញ្ចូលទាំងការគាំទ្របន្ថែមដើម្បីធ្វើទំនើបកម្មវិស័យកសិកម្ម និងជំរុញកំណើននៃវិស័យកែច្នៃកសិផល ដោយការគាំទ្រដល់ការបង្កើតឧទ្យានឧស្សាហកម្មម្ហូបអាហារអាភី (AIPs) តំបន់ឧស្សាហកម្មដែលមានឧបករណ៍ប្រើប្រាស់កែច្នៃរួមគ្នា។
ស្ថានទូតអូស្ត្រាលីប្រចាំនៅកម្ពុជា
