លិខិតរួម៖ អ្នកជំនាញសិទ្ធិមនុស្សនៃអង្គការសហប្រជាជាតិចំនួន ៣ រូប បានសម្តែងនូវកង្វល់លើច្បាប់ស្តីពីវិធានការណ៍ការពារប្រឆាំងនឹងការរីករាលដាលនៃជំងឺកូវីដ-១៩ និងជំងឺឆ្លងធ្ងន់ធ្ងរ និងគ្រោះថ្នាក់ផ្សេងៗទៀត
នៅថ្ងៃទី ០៣ ខែមេសា ឆ្នាំ២០២១ អង្គការសហប្រជាជាតិស្ដីពីសិទ្ធិមនុស្សប្រចាំកម្ពុជាបានចេញលិខិតរួមមួយថា អ្នកជំនាញសិទ្ធិមនុស្សនៃអង្គការសហប្រជាជាតិចំនួន ៣ រូប បានសម្តែងនូវកង្វល់លើច្បាប់ស្តីពីវិធានការណ៍ការពារប្រឆាំងនឹងការរីករាលដាលនៃជំងឺកូវីដ-១៩ និងជំងឺឆ្លងធ្ងន់ធ្ងរ និងគ្រោះថ្នាក់ផ្សេងៗទៀត។ ដោយពិនិត្យឃើញថា ច្បាប់នេះផ្តល់អំណាចដល់រដ្ឋាភិបាលក្នុងការរឹតត្បិតតំបន់មួយចំនួន ការហាមឃាត់ការធ្វើដំណើរ ការជួបជុំ ការប្រតិបត្តិការអាជីវកម្ម ក្រុមអ្នកជំនាញសិទ្ធិមនុស្សអង្គការសហប្រជាជាតិ បានជំរុញឲ្យរដ្ឋាភិបាលពិនិត្យឡើងវិញលើច្បាប់នេះ ដើម្បីធានានូវការគោរពតាមបទដ្ឋានសិទ្ធិមនុស្សអន្តរជាតិ ដែលការពារសិទ្ធិ និងសេរីភាពរបស់ប្រជាជនកម្ពុជា។
អ្នករាយការណ៍ពិសេសស្តីពីស្ថានភាពសិទ្ធិមនុស្សនៅកម្ពុជា
