សេចក្តីថ្លែងការណ៍​ស្តី​ពី​ការ​សិក្សា​ដែល​ផ្ដល់​ជំនួយ​ដោយ​រដ្ឋាភិបាល​អា​ល្លឺ​ម៉​ង់​ បង្ហាញ​ពី​បញ្ហា​ធ្ងន់ធ្ងរ​ក្នុង​វិស័យ​មីក្រូហិរញ្ញវត្ថុ​នៅ​កម្ពុជា​

នៅ​ថ្ងៃ​ទី​១៤​ ខែកញ្ញា​ ឆ្នាំ​២០២២​ សម្ព័ន្ធ​ខ្មែរ​ជំរឿន​និង​ការពារ​សិទ្ធិ​មនុស្ស​ (​លី​កាដូ​)​ បាន​ចេញផ្សាយ​សេចក្តីថ្លែងការណ៍​មួយ​ស្តី​ពី​ការ​សិក្សា​មួយ​ ដែល​គាំទ្រ​ដោយ​ ក្រសួង​សហព័ន្ធ​អា​ល្លឺ​ម៉​ង់​សម្រាប់​សហប្រតិបត្តិការ​សេដ្ឋកិច្ច​ និង​ការ​អភិវឌ្ឍ​ (BMZ)​ បាន​ផ្ដល់​ភស្តុ​តាង​បន្ថែម​ទៀត​នៃ​ការ​រីក​រាលដាល​បញ្ហា​ជំពាក់​បំណុល​ច្រើន​លើសលប់​នៅ​កម្ពុជា​ ដែល​នាំ​ឱ្យ​មានការ​លក់​ដី​ដោយ​បង្ខំ​ជា​ច្រើន​ករណី​ ពោល​ក្នុង​កម្រិត​មួយ​ “​ខ្ពស់​ខ្លាំង​”​ និង​ “​មិន​អាច​ទទួលយក​បាន​”​។​

លទ្ធផល​នៃ​ការ​សិក្សា​បង្ហាញ​ថា​ ប្រជាពលរដ្ឋ​ខ្មែរ​ជាង​ ១៦៧.០០០​ នាក់​ បាន​និង​កំពុង​លក់​ដី​ ដើម្បី​បង់​សង​កម្ចី​ឥណទាន​ក្នុង​រយៈពេល​៥​ឆ្នាំ​ចុង​ក្រោយ​ ។​ អង្គការ​ហ្វ៊ី​អាន​ (FIAN)​ ក៏​ដូច​ជា​ អង្គការ​មិនមែន​រដ្ឋាភិបាល​នៅ​កម្ពុជា​គឺ​ អង្គការ​សម្ព័ន្ធ​ខ្មែរ​ជំរឿន​ និង​ការពារ​សិទ្ធិ​មនុស្ស​ លី​កាដូ​ និង​អង្គការ​សមធម៌​កម្ពុជា​ សូម​អំពាវនាវ​ឱ្យ​រដ្ឋាភិបាល​អា​ល្លឺ​ម៉​ង់​ និង​ម្ចាស់​ជំនួយ​ផ្សេង​ទៀត​នៃ​វិស័យ​មីក្រូហិរញ្ញវត្ថុ​ ឱ្យ​គោរព​ការ​ទទួលខុសត្រូវ​របស់​ពួក​គេ​ និង​ចាត់វិធានការ​ជាក់លាក់​ និង​ជា​បន្ទាន់​ ដើម្បី​ដោះស្រាយ​ស្ថានភាព​ដែល​មិន​អាច​ប្រកែក​បាន​នេះ​ ។​

សម្ព័ន្ធ​ខ្មែរ​ជំរឿន​និង​ការពារ​សិទ្ធិ​មនុស្ស​ (​លី​កាដូ​)​

ទាញយក៖ pdf