សារ​របស់​ឯកឧត្តម​ មិ​កា​មិ​ ម៉ាសា​ហ៊ី​រ៉ូ​ ឯកអគ្គរាជទូត​ជប៉ុន​ ប្រចាំ​ព្រះរាជាណាចក្រ​កម្ពុជា​ សម្រាប់​ការ​ផ្ដល់​ជំនួយ​វ៉ាក់សាំង​

​នៅ​ថ្ងៃ​ទី​ ១៣​ ខែ​ កក្កដា​ ឆ្នាំ​ ២០២១​ ស្ថានទូត​ជប៉ុន​ប្រចាំ​ព្រះរាជាណាចក្រ​កម្ពុជា​ បាន​ចេញ​សារ​របស់​ឯកឧត្តម​ មិ​កា​មិ​ ម៉ាសា​ហ៊ី​រ៉ូ​ ឯកអគ្គរាជទូត​ជប៉ុន​ប្រចាំ​ព្រះរាជាណាចក្រ​កម្ពុជា​ សម្រាប់​ការ​ផ្តល់​ជំនួយ​វ៉ាក់សាំង​។​

​រដ្ឋាភិបាល​ជប៉ុន​បាន​ប្រកាស​ផ្ដល់​ជំនួយ​វ៉ាក់សាំង​ AstraZeneca​ ចំនួន​ប្រមាណ​១​លាន​ដូ​ស​ដល់​កម្ពុជា​។​ ជំនួយ​នេះ​ធ្វើ​ឡើង​ស្រប​តាម​ចំណងមិត្តភាព​រវាង​ ជប៉ុន​ និង​កម្ពុជា​ និង​ ដោយ​ផ្អែក​លើ​ស្ថានភាព​កូ​វី​ដ​១៩​ នៅ​កម្ពុ​ជានា​ពេល​បច្ចុប្បន្ន​។​ វ៉ាក់សាំង​ដែល​ត្រូវ​បាន​ផ្ដល់​អាជ្ញា​បណ្ណ​ផលិត​ក្នុង​ប្រទេស​ជប៉ុន​ នឹង​ត្រូវ​បាន​ដឹក​ជញ្ជូន​មក​ដល់​ រាជធានី​ភ្នំពេញ​ក្នុង​ពេល​ដ៏​ឆាប់​ខាង​មុខ​នេះ​នៅ​ពេល​ដែល​ការ​រៀបចំ​ភ័ស្តុភារ​ដោយ​ COVAX​ Facility​ បាន​បញ្ចប់​។​ លោក​សង្ឃឹមថា​ជំនួយ​នេះ​នឹង​ជួយ​គាំទ្រ​ដល់​កិច្ច​ខិតខំ​ប្រឹងប្រែង​របស់​រាជរដ្ឋាភិបាល​កម្ពុជា​ក្នុង​ការ​ប្រយុទ្ធ​ប្រឆាំង​នឹង​កូ​វី​ដ​១៩​ ក៏​ដូច​ជា​កាត់​បន្ថយ​ការ​ព្រួយ​បារ​ម្ម​ណ៍​មួយ​ចំនួន​របស់​ប្រជាជន​កម្ពុជា​។​

ស្ថានទូតជប៉ុនប្រចាំព្រះរាជាណាចក្រកម្ពុជា

ទាញយក៖ pdf