ក្រសួងបរិស្ថានហាមឃាត់ការធ្វើអាជីវកម្មកេសរកូលព្រៃនៅក្នុងតំបន់ការពារធម្មជាតិ
នៅថ្ងៃទី១០ ខែកក្កដា ឆ្នាំ២០២០ ក្រសួងបរិស្ថានបានផ្សាយសេចក្តីជូនដំណឹងមួយដល់សាធារណជនអំពីការហាមឃាត់ ការធ្វើអាជីវកម្មកេសរកូលព្រៃនៅក្នុងតំបន់ការពារធម្មជាតិ ដែលកំពុងតែមានសកម្មភាពប្រមូលយ៉ាងអនាធិបតេយ្យនៅក្នុងតំបន់ការពារធម្មជាតិ ដោយសារតែកន្លងមកមានជនខិលខូចមួយចំនួនបានធ្វើការបំផុសព័ត៌មាននៅលើបណ្តាញសង្គមអំពីការប្រមូលទិញក្នុងតម្លៃខ្ពស់។ ក្រសួងបានបញ្ជាក់បន្ថែមថា ការប្រមូលប្រភេទកេសរកូសព្រៃពីក្នុងតំបន់ការពារធម្មជាតិ ទាំងការធ្វើអាជីវកម្ម ឬក្នុងគោលបំណងណាមួយ គឺជាសកម្មភាពផ្ទុយនឹង “ច្បាប់ស្តីពីតំបន់ការពារធម្មជាតិ” មាត្រា ៥៩ ចំណុច៣ ចំណុច៤ និងមាត្រា ៦១ ចំណុច៤។ ក្រសួងនឹងសហការជាមួយស្ថាប័នមានសមត្ថកិច្ច និងរដ្ឋបាលថ្នាក់ក្រោមជាតិដែលពាក់ព័ន្ធ ដើម្បីចាត់វិធានការ ទប់ស្កាត់ និងបង្ក្រាបដោយផ្អែកលើនីតិវិធីច្បាប់យ៉ាងម៉ឺងម៉ាត់បំផុត ចាប់ពីថ្ងៃជូនដំណឹងនេះតទៅ។
ក្រសួងបរិស្ថាន
