ពិធីចុះហត្ថលេខាលើ MoUស្តីពីការផ្តល់ជំនួយបច្ចេកទេសក្នុងការលើកកម្ពស់ការអភិវឌ្ឍវិស័យមូលបត្រនៅកម្ពុជា
នៅថ្ងៃទី១៨ ខែសីហា ឆ្នាំ២០២២ ផ្សារមូលបត្រកម្ពុជាបានចេញផ្សាយសេចក្តីប្រកាសព័ត៌មានមួយស្តីពីពីធីចុះហត្ថលេខាលើអនុស្សរណៈនៃការយោគយល់គ្នារវាង មូលនិធិអភិវឌ្ឍន៍មូលធននៃអង្គការសហប្រជាជាតិ (UNCDF)និងនិយ័តករមូលបត្រកម្ពុជា (SERC) និងផ្សារមូលបត្រកម្ពុជា (CSX)។
អនុស្សរណៈនៃការយោគយល់គ្នា (MoU) ស្តីពី “ការផ្តល់ជំនួយបច្ចេកទេសក្នុងការលើកកម្ពស់ការអភិវឌ្ឍវិស័យមូលបត្រនៅព្រះរាជាណាចក្រកម្ពុជា” នេះត្រូវបានរៀបចំឡើងក្នុងគោលបំណងដើម្បីអភិវឌ្ឍន៍វិស័យមូលបត្រនៅកម្ពុជាដែល UNCDF នឹងផ្តល់ការគាំទ្រមក SERCនិងCSX លើចំណុចរួមមាន៖ ១) គាំទ្រដល់ការអភិវឌ្ឍសមត្ថភាពស្ថាប័ន និងធនធានមនុស្ស ២) គាំទ្រដល់ការរៀបចំនូវបទប្បញ្ញត្តិថ្មីពាក់ព័ន្ធនឹងផលិតផលមូលបត្រឆ្លងដែន ៣) សម្រួលដល់ការផ្លាស់ប្តូរធនធាន បច្ចេកវិទ្យា និងចំណេះដឹងរវាងប្រទេសកំពុងអភិវឌ្ឍន៍ និងការរៀនសូត្រពីដៃគូរវាងSERCនិងCSXជាមួយនឹងស្ថាប័ននិយ័តកររបស់ប្រទេសសមាជិកអាស៊ានបូក ៣ និង ៤) ផ្តល់ការគាំទ្រដល់ការអភិវឌ្ឍ ផ្សព្វផ្សាយ និងអនុវត្តច្បាប់ ព្រមទាំងក្របខណ្ឌបទប្បញ្ញត្តិពាក់ព័ន្ធនឹងមូលបត្ររដ្ឋ និងមូលបត្រមហាជន។
ផ្សារមូលបត្រកម្ពុជា
