ការអនុវត្តវិធានការសុខាភិបាលថ្មី និងការធ្វើចត្តាឡីស័ក ចំពោះអ្នកដំណើរទាំងអស់ចូលមកប្រទេសកម្ពុជា ចាប់អនុវត្តពីថ្ងៃទី១២ ខែធ្នូ ឆ្នាំ២០២០ តទៅ
នៅថ្ងៃទី០៤ ខែធ្នូ ឆ្នាំ២០២០ គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ បានចេញសេចក្តីប្រកាសមួយជូនដំណឹងដល់សាធារណជនទាំងអស់ឱ្យបានជ្រាបថា ការអនុវត្តវិធានការសុខាភិបាលថ្មី និងការធ្វើចត្តាឡីស័ក ចំពោះអ្នកដំណើរទាំងអស់ចូលមកប្រទេសកម្ពុជា ចាប់អនុវត្តពីថ្ងៃទី១២ ខែធ្នូ ឆ្នាំ២០២០ តទៅ។
ការអនុវត្តយន្តការធានា (Sponsorship Mechanism) ចំពោះអ្នកដំណើរបរទេសជាវិនិយោគិន-ធុរជន បុគ្គលិកក្រុមហ៊ុន អ្នកជំនាញការ និងអ្នកបច្ចេកទេស ដែលទទួលបានការធានាចូលមកប្រទេសកម្ពុជារយៈពេលតិចជាង ១៤ថ្ងៃ ត្រូវបានផ្អាកជាបណ្តោះអាសន្នរហូតដល់ស្ថានភាពនៃការរីករាលដាលជំងឺកូវីដ-១៩ មានភាពធូរស្រាល និងទទួលបានការឯកភាពដ៏ខ្ពង់ខ្ពស់ជាថ្មីពីនាយករដ្ឋមន្ត្រី។
ក្រសួងសុខាភិបាល
