ការរៀបចំគម្រោងព្រឹត្តិប័ត្រស្រាវជ្រាវអេឡិចត្រូនិកប្រចាំខែ (E-Bulletin Project)
នៅថ្ងៃទី ១៣ ខែកញ្ញា ឆ្នាំ២០២១ ក្រសួងពាណិជ្ជកម្ម បានចេញសេចក្តីជូនដំណឹង ស្តីពីការរៀបចំគម្រោងព្រឹត្តិប័ត្រស្រាវជ្រាវអេឡិចត្រូនិកប្រចាំខែ (E-Bulletin Project)។
វិទ្យាស្ថានបណ្តុះបណ្តាលពាណិជ្ជកម្ម និងស្រាវជ្រាវ នៃក្រសួងពាណិជ្ជកម្ម កំពុងរៀបចំនូវគម្រោងព្រឹត្តិប័ត្រស្រាវជ្រាវអេឡិចត្រូនិកប្រចាំខែ (E-Bulletin Project) ក្នុងគោលបំណងដើម្បីធ្វើការចងក្រងប្រមូលផ្តុំ និងបោះពុម្ពផ្សាយជាប្រចាំរៀងរាល់ខែ នូវរាល់ស្នាដៃស្រាវជ្រាវសំខាន់ៗនានាពាក់ព័ន្ធនឹងវិស័យពាណិជ្ជកម្ម ព្រមទាំងប្រធានបទសំខាន់ៗផ្សេងទៀត ដែលមានអត្ថន័យខ្លឹមសារសំដៅចូលរួមលើកស្ទួយអភិវឌ្ឍន៍សេដ្ឋកិច្ច ពាណិជ្ជកម្ម និងជាស្នាដៃដើមប្រកបដោយក្រមសីលធម៌ពុំមានការញោះញុង វាយប្រហារ និងមិនបម្រើឱ្យក្រុម ឬគណបក្សណាមួយឡើយ។
ក្រសួងពាណិជ្ជកម្ម
