ប្រកាសអន្តរក្រសួងលេខ០៩៨៖ ការកំណត់រូបមន្តសម្រាប់កែសម្រួលថ្លៃលក់រាយប្រេងឥន្ធនៈនៅកម្ពុជា
កាលពីថ្ងៃទី០៩ ខែមីនា ឆ្នាំ២០១៦ សេចក្តីប្រកាសរួមមួយស្តីពី “ ការកំណត់រូបមន្តសម្រាប់កែសម្រួលថ្លៃលក់រាយប្រេងឥន្ធនៈនៅកម្ពុជា ” ត្រូវបានចុះហត្ថលេខាឱ្យអនុវត្តជាផ្លូវការ ដោយក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ និង ក្រសួងរ៉ែ និងថាមពល ដែលក្នុងនោះរួមមានប្រការចំនួន ១១ដែលបានត្រូវបានសម្រេច។ សេចក្តីប្រកាសនេះត្រូវបានធ្វើឡើង ដើម្បីឱ្យរាល់ស្ថានីយប្រេងឥន្ធនៈទាំងអស់ កំណត់តម្លៃលក់រាយរបស់ខ្លួនទៅតាមការឡើងចុះនៃទីផ្សារអន្តរជាតិ ដោយអនុវត្តតាមរូបមន្ត ដែលមានកំណត់នៅក្នុងសេចក្តីប្រកាសនេះ។ គួរបញ្ជាក់ដែរថា នៅក្នុងប្រការទី ៥ បានកំណត់ថា គ្រប់ស្ថានីយលក់រាយប្រេងឥន្ធនៈ ដែលលក់ប្រេងសាំង ត្រូវមានប្រភេទផលិតផលប្រេងសាំងធម្មតា ឬសាំងស៊ុបពែរលក់ក្នុងតម្លៃមិនលើសពីថ្លៃ ដែលបានកំណត់តាមរូបមន្ត។ ក្នុងករណីដែលម្ចាស់ស្ថានីយប្រេងឥន្ធនៈទាំងឡាយណា ដែលមិនគោរពតាមការកំណត់នៃប្រការទី ៥ នេះ ស្ថានីយនោះនឹងត្រូវផាកពិន័យជាទឹកប្រាក់មិនលើសពីទឹកប្រាក់ ៤លានរៀល ឬអាចនឹងរងនូវការបិទផ្អាកប្រតិបត្តិការ ជាបណ្តោះ អាសន្ន៕
ក្រសួងពាណិជ្ជកម្ម
