សេចក្តីប្រកាសព័ត៌មាន៖ រដ្ឋាភិបាលជប៉ុនអនុម័តថវិកាចំនួន ២៥១,៩៧០ ដុល្លារអាមេរិកសម្រាប់មជ្ឃមណ្ឌលតម្កល់ឯកសារច្បាប់
នៅថ្ងៃទី ០៨ ខែវិច្ឆិកា ឆ្នាំ២០១៩ ស្ថានទូតជប៉ុនប្រចាំនៅកម្ពុជា បានចេញផ្សាយសេចក្តីប្រកាសព័ត៌មានដល់សាធារណៈជនថា រដ្ឋាភិបាលជប៉ុនបានអនុម័តការប្រើប្រាស់ថវិកាចំនួន ២៥១,៩៧០ ដុល្លារអាមេរិក ពីថវិកាបដិភាគ សម្រាប់ការអនុវត្តគម្រោង “អនុវត្តអាណត្តិកេរដំណែលរបស់មជ្ឈមណ្ឌលតម្កល់ឯកសារច្បាប់ ពាក់ព័ន្ធនឹងអង្គជំនុំជម្រះវិសាមញ្ញក្នុងតុលាការកម្ពុជា (ម.ត.ឯ.ច.)”។ ថវិកានេះនឹងត្រូវយកទៅប្រើប្រាស់សម្រាប់ការបង្កើតអង្គភាពផ្សព្វផ្សាយចល័ត ការផ្លាស់ប្តូរទស្សនកិច្ចនៅបណ្ណាល័យនៃតុលាការឧក្រិដ្ឋកម្មអន្តរជាតិ (ICC) ការផ្តល់ជាអាហារូបករណ៍ស្រាវជ្រាវសម្រាប់និស្សិតកម្ពុជា និងការអភិវឌ្ឍបន្ថែមទៀតនូវកម្មវិធីសាលាក្តីទូរនិម្មិត។
ស្ថានទូតជប៉ុនប្រចាំនៅព្រះរាជាណាចក្រកម្ពុជា
