សេចក្តីប្រកាសព័ត៌មាន ស្តីពីលទ្ធផលជំនួបរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា និងឯកឧត្តម Carlos Felipe Jaramillo អនុប្រធានធនាគារពិភពលោក ទទួលបន្ទុកតំបន់អាស៊ីខាងកើត និងប៉ាស៊ីហ្វិក
នៅថ្ងៃទី១៨ ខែមីនា ឆ្នាំ២០២៦ រាជរដ្ឋាភិបាលកម្ពុជា បានចេញសេចក្តីប្រកាសព័ត៌មានស្តីពីលទ្ធផលជំនួបរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា និងឯកឧត្តម Carlos Felipe Jaramillo អនុប្រធានធនាគារពិភពលោក ទទួលបន្ទុកតំបន់អាស៊ីខាងកើត និងប៉ាស៊ីហ្វិក។
ក្នុងជំនួបនេះ ភាគីទាំងពីរបានពិភាក្សាអំពីកិច្ចសហប្រតិបត្តិការដែលកំពុងអនុវត្តរវាងកម្ពុជា និងធនាគារពិភពលោក ដោយផ្តោតលើការគាំទ្រដល់ការអភិវឌ្ឍសេដ្ឋកិច្ចសង្គម ហេដ្ឋារចនាសម្ព័ន្ធ និងភាពធន់នៃសេដ្ឋកិច្ច។ ភាគីកម្ពុជាបានសម្តែងការកោតសរសើរចំពោះការគាំទ្របន្តរបស់ធនាគារពិភពលោក និងបានលើកឡើងពីការពង្រឹងកិច្ចសហប្រតិបត្តិការដើម្បីជំរុញការអភិវឌ្ឍប្រកបដោយចីរភាព និងរួមបញ្ចូល។
រាជរដ្ឋាភិបាលកម្ពុជា
