សេចក្តី​ប្រកាស​ព័ត៌មាន​ស្តី​ពី​ពិធី​ចុះហត្ថលេខា​ និង​ប្រកាស​បើក​ជា​ផ្លូវការ​នូវ​គម្រោង​ហិរញ្ញប្បទាន​ឥត​សំណង​សម្រាប់​ការ​កែ​លម្អ​បរិស្ថាន​សាលារៀន​ និង​ការ​ផ្គត់ផ្គង់​សម្ភារៈ​ បរិក្ខារ​អប់រំ​រវាង​រដ្ឋាភិបាល​កម្ពុជា​ និង​រដ្ឋាភិបាល​នៃ​សាធារណរដ្ឋ​ប្រជាមានិត​ចិន​

​នៅ​ថ្ងៃ​ទី​ ១៩​ ខែមិថុនា​ ឆ្នាំ​ ២០១៨​ លោក​ជំទាវ​ Gao​ Yan​ អនុរដ្ឋមន្ត្រី​ក្រសួងពាណិជ្ជកម្ម​នៃ​សាធារណរដ្ឋ​ប្រជាមានិត​ចិន​ រួម​ជាមួយ​ឯកឧត្តម​ ណាត​ ប៊ុ​ន​រឿ​ន​ រួម​គ្នា​ប្រកាស​បើក​ជា​ផ្លូវការ​នូវ​ គម្រោង​ហិរញ្ញប្បទាន​ឥត​សំណង​ពី​ប្រទេស​ចិន​ សម្រាប់​កែ​លម្អ​បរិស្ថាន​សាលារៀន​ និង​ការ​ផ្គត់ផ្គង់​សម្ភារៈ​បរិក្ខា​រអប់រំ​ ដោយ​សាងសង់​អគារសិក្សា​វិទ្យាល័យ​ចំនួន​ ២៦​ និង​ មជ្ឈមណ្ឌល​បណ្តុះបណ្តាល​គ្រូ​ចំនួន​ ១​ នៅ​រាជធានី​ភ្នំពេញ​ ១​ នៅ​ខេត្តកំពង់ចាម​ និង​ ១​ ទៀត​នៅ​ខេត្តកណ្តាល​។​ ឆ្លៀត​ក្នុង​ឱកាស​នោះ​ដែរ​ លោកស្រី​ក៏​បាន​ចុះហត្ថលេខា​ជាមួយ​ឯកឧត្តម​ អូន​ ព័ន្ធ​មុនី​រ័​ត្ន​ រដ្ឋមន្ត្រីក្រសួង​សេដ្ឋកិច្ច​ និង​ហិរញ្ញវត្ថុ​ លើ​ឯកសារ​មួយ​ចំនួន​ដូច​ជា​៖

 

 

  • ​ថវិកា​ហិរញ្ញប្បទាន​ឥត​សំណង​ចំនួន​ ២,៥​ លាន​ដុល្លារ​អា​មេ​រិ​ក​ សម្រាប់​ការ​អនុវត្ត​គម្រោង​កាត់​បន្ថយ​យុទ្ធ​ភ័​ណ្ឌ​មិន​ទាន់​ផ្ទុះ​នៅ​ប្រទេស​កម្ពុជា​ ដែល​នឹង​ត្រូវ​អនុវត្ត​ដោយ​មជ្ឈមណ្ឌល​សកម្មភាព​កំចាត់​មីន​កម្ពុជា​។​
  • ​កិច្ចព្រមព្រៀង​សម្រាប់​រៀបចំ​ផែនការមេ​ស្តី​ពី​ប្រព័ន្ធ​ដឹក​ជញ្ជូន​នៅ​កម្ពុជា​។
  • ​កិច្ចព្រមព្រៀង​សម្រាប់​ការ​អនុវត្ត​គម្រោង​ជួសជុល​ព្រះ​បរមរាជវាំង​នៅ​អង្គរ​ខេត្តសៀមរាប​។​

​នៅ​ក្នុង​សេចក្តី​ប្រកាស​ព័ត៌មាន​នេះ​ ក៏​បាន​បញ្ជាក់​ដែរ​ថា​ គិត​ចាប់ពី​ឆ្នាំ​ ២០០១​ ដល់​ថ្ងៃ​ទី​ ១៩​ ខែ​ មិថុនា​ ឆ្នាំ​ ២០១៨​ រដ្ឋាភិបាល​សាធារណរដ្ឋ​ប្រជាមានិត​ចិន​បាន​សន្យា​ផ្តល់​ហិរញ្ញប្បទាន​សហប្រតិបត្តិការ​មាន​ទឹកប្រាក់​សរុប​ចំនួន​ប្រមាណ​ ៥​ ២៧៦​ លាន​ ដុល្លារ​អា​មេ​រិ​ក​ ក្នុង​នោះ​ហិរញ្ញប្បទាន​ឥត​សំណង​ និង​ឥណទាន​ឥត​ការ​ប្រាក់​សរុប​មាន​ចំនួន​ប្រមាណ​ ១​ ២២១​ លាន​ដុល្លារ​អា​មេ​រិ​ក​។​

ក្រសួងពាណិជ្ជកម្ម

ទាញយក៖ pdf