សេចក្តីប្រកាសព័ត៌មានស្តីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិលកម្ពុជា គិតមកត្រឹមព្រឹកថ្ងៃទី២៤ ខែសីហា ឆ្នាំ២០២៦
នៅថ្ងៃទី២៤ ខែឧសភា ឆ្នាំ២០២៦ ក្រសួងមហាផ្ទៃ បានចេញសេចក្តីប្រកាសព័ត៌មានស្តីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិលកម្ពុជា គិតមកត្រឹមព្រឹកថ្ងៃទី២៤ ខែសីហា ឆ្នាំ២០២៦។
ក្រសួងមហាផ្ទៃ សូមធ្វើបច្ចុប្បន្នភាពទិន្នន័យបឋម គិតត្រឹមព្រឹកថ្ងៃទី២៤ ខែសីហា ឆ្នាំ២០២៦ ដែលមានដូចជា៖ (១) ស្ថានភាពជនភៀសសឹក និងការរំលោភលើច្បាប់មនុស្សធម៌អន្តរជាតិ និង (២) ការខូចខាតហេដ្ឋារចនាសម្ព័ន្ធរូបវន្ត និងការផ្អាកសេវាសាធារណៈជាមូលដ្ឋាន។ ក្រសួងមហាផ្ទៃ គាំទ្រការតវ៉ារបស់រាជរដ្ឋាភិបាលជាផ្លូវការចំពោះការបន្តរំលោភ បំពានដោយប្រទេសថៃមកលើអធិបតេយ្យ និងបូរណភាពទឹកដីរបស់កម្ពុជា តាមបណ្តោយព្រំដែន។ ជាក់ស្តែងកាលពីថ្ងៃទី២៦ ខែកក្កដា ដល់ថ្ងៃទី១៧ ខែសីហា ឆ្នាំ២០២៦ នៅសង្កាត់អូរស្មាច់ ក្រុងសំរោង ខេត្តបន្ទាយមានជ័យ កងកម្លាំងប្រដាប់អាវុធថៃបានបន្តឈូសឆាយព្រៃជាបន្តបន្ទាប់ ដើម្បីសាងសង់ផ្លូវថ្មីមួយខ្សែ ដែលតភ្ជាប់ពីភាគខាងជើងនៃ បង្គោលព្រំដែនលេខ១៤ ទៅកាន់តំបន់ភ្នំតាថុង (ភ្នំ២៧៨)។
ក្រសួងមហាផ្ទៃ
