សេចក្តីប្រកាសព័ត៌មានស្តីពី ការឆបោកប្រាក់តាមបណ្តាញសង្គមនិងប្រព័ន្ធទូរស័ព្ទ
នៅថ្ងៃទី២២ ខែមីនា ឆ្នាំ២០២៣ ធនាគារជាតិនៃកម្ពុជា បានចេញផ្សាយសេចក្តីប្រកាសព័ត៌មានដើម្បីជូនដំណឹងដល់សាធារណជនឱ្យបានដឹងថា នាពេលថ្មីៗនេះមានជនខិលខូចមួយចំនួន បានព្យាយាមឆបោកប្រាក់តាមគ្រប់រូបភាពនៅតាមបណ្តាញសង្គម ដូចជា Telegram, Facebook និង TikTok ជាដើម ក៏ដូចជាតាមប្រព័ន្ធទូរស័ព្ទ ខណៈពេលដែលវិស័យបច្ចេកវិទ្យាឌីជីថលនៅកម្ពុជាកំពុងមានការរីកចម្រើនគួរឱ្យកត់សម្គាល់។
ធនាគារជាតិនៃកម្ពុជា ស្នើរឱ្យសាធារណជនរក្សាសុវត្ថិភាពព័ត៌មាននៃគណនីបណ្តាញសង្គមផ្ទាល់ខ្លួន និងស្វែងយល់ពីការប្រើប្រាស់សេវាហិរញ្ញវត្ថុឌីជីថល ព្រមទាំងបង្កើនការប្រុងប្រយ័ត្នខ្ពស់ មុនពេលផ្ទេរប្រាក់តាមកម្មវិធីទូរស័ព្ទចល័ត ឬតាមគណនី ឬតាមរយៈភ្នាក់ងារ។
ធនាគារជាតិនៃកម្ពុជា
