សេចក្តីប្រកាសព័ត៌មានពាក់ព័ន្ធនឹងនាវាដឹកប្រេង MT Strovolos និងប្រេងឆៅរបស់ព្រះរាជាណាចក្រកម្ពុជា
នៅថ្ងៃទី ០៣ ខែកញ្ញា ឆ្នាំ២០២១ ក្រសួងរ៉ែ និងថាមពលបានចេញសេចក្តីប្រកាសព័ត៌មានមួយនៅលើបណ្តាញសង្គមផ្លូវការរបស់ខ្លួនពាក់ព័ន្ធនឹងនាវាដឹកប្រេង MT Strovolos និងប្រេងឆៅរបស់ព្រះរាជាណាចក្រកម្ពុជា។ ក្នុងសេចក្តីប្រកាសនេះមានគោលបំណងបញ្ជាក់ដល់សាធារណៈជនអំពីដំណើររឿង បច្ចុប្បន្នភាពនៃបញ្ហា និងសកម្មភាពបន្ទាប់។
សេចក្តីប្រកាសព័ត៌មានបានបញ្ជាក់ថា
- ទំនិញជាប្រេងឆៅនៅលើនាវា MT Strovolos គឺជាប្រេងឆៅរបស់ព្រះរាជាណាចក្រកម្ពុជា ។
- វិវាទពាក់ព័ន្ធនឹងថ្លៃឈ្នួលនាវា គឺជាវិវាទរវាងម្ចាស់ ឬ អ្នកគ្រប់គ្រងនាវា និងអ្នកជួលនាវា ហើយវិវាទនេះមិនពាក់ព័ន្ធនឹងព្រះរាជាណាចក្រកម្ពុជាឡើយ។
- នាវា MT Strovolos បានចាកចេញពីដែនទឹកកម្ពុជាដោយខុសច្បាប់ និងដោយសម្ងាត់។
- សកម្មភាពទាំងឡាយរបស់នាវា MT Strovolos បានរំលោភច្បាប់ប្រទេសកម្ពុជា និងប្រទេស ឥណ្ឌូណេស៊ី ហើយបច្ចុប្បន្នអ្នកពាក់ព័ន្ធកំពុងតែត្រូវបានស៊ើបអង្កេតដោយតុលាការមានសមត្ថកិច្ច។
ក្រសួងរ៉ែ និងថាមពល
