សាលាក្រុងព្រមានចុងក្រោយដល់អ្នកភូមិដែលរងការបណ្តេញចេញ
កាលពីម្សិលមិញ អ្នកភូមិមួយក្រុមមានគ្នាប្រហែល២០០នាក់មកពីខេត្តក្រចេះ បានបដិសេធមិនព្រមចាកចេញពីវត្តមួយក្នុងរាជធានីភ្នំពេញ ជាកន្លែងដែលពួកគាត់ស្នាក់នៅដើម្បីធ្វើការតវ៉ាប្រឆាំងនឹងការបណ្ដេញចេញពីដីធ្លី ដោយសារក្រុមហ៊ុនចម្ការកៅស៊ូវៀតណាមខណៈដែលអភិបាលរងរាជធានីបានព្រមានពួកគាត់ថា អាជ្ញាធររាជធានីនឹង “អនុវត្តតាមច្បាប់” ប្រសិនបើពួកគាត់មិនព្រមត្រឡប់ទៅផ្ទះរបស់ខ្លួនវិញនៅព្រឹកនេះទេ។ លោក ឃួង ស្រេង អភិបាលរងរាជធានីបានមកដល់វត្តសាមគ្គីរង្សី នៅម៉ោងប្រហែល៩ព្រឹកម្សិលមិញ ជាមួយមន្ត្រីមួយក្រុមដែលត្រូវបានចាត់តាំងឲ្យមកស្រង់ព័ត៌មានពីកន្លែងអ្នកភូមិរស់នៅមុនពេលផ្លាស់មករស់នៅលើដីដែលមានវិវាទក្នុងឃុំឃ្សឹម ស្រុកស្នួល។ លោក ឃួង ស្រេង ដែលមានលោក ខាន់ ចំណាន អភិបាលរងខេត្តក្រចេះឈរក្បែរនោះ បានប្រាប់ក្រុមអ្នកភូមិថា “ខ្ញុំសូមជម្រាបថា បងប្អូនទាំងអស់កំពុងរស់នៅលើដីនោះដោយខុសច្បាប់ ពីព្រោះវាជាដីរបស់រដ្ឋ”។ ...
អូន ភាព និង George Wright
http://www.cambodiadailykhmer.com/news/14768/
