មន្ត្រីបរិស្ថានរកឃើញឈើកាប់រួចខុសច្បាប់នៅក្នុងដែនជម្រកសត្វព្រៃ ជិតបន្ទាយកងរាជអាវុធហត្ថ
កាលពីម្សិលមិញ មន្ត្រីក្រសួងបរិស្ថានបានរកឃើញឈើប្រភេទលេខ១ ដែលកាប់រួចខុសច្បាប់ជាង៤០០ដុំនៅក្នុងដែនជម្រកសត្វព្រៃលំផាត់ក្នុងខេត្តរតនគិរី ដែលក្រសួងនេះមើលការខុសត្រូវ ហើយសង្ស័យលើមន្ត្រីមកពីបន្ទាយកងរាជអាវុធហត្ថក្បែរនោះថា ជាប់ពាក់ព័ន្ធ។ លោក ធិន ង៉ោល អនុប្រធានដែនជម្រកសត្វព្រៃនេះបានមានប្រសាសន៍ថា ក្រុមមន្ត្រីបានរកឃើញឈើសុក្រម ៤១៨ដុំ នៅក្នុងតំបន់ការពារនេះចម្ងាយប្រហែលមួយគីឡូម៉ែត្រពីការិយាល័យសន្តិសុខមូលដ្ឋាននៃកងរាជអាវុធហត្ថខេត្ត ដែលក៏ស្ថិតនៅក្នុងដែនជម្រកសត្វព្រៃនេះដែរ។ … លោក គង់ ស្រ៊ុន អភិបាលស្រុកលំផាត់បានមានប្រសាសន៍ថា មន្ត្រីរបស់លោកតែងតែទទួលបានរបាយការណ៍ពីការកាប់ឈើខុសច្បាប់ពីដែនជម្រកសត្វព្រៃនេះ និងរបាយការណ៍អំពីរថយន្តដឹកឈើចេញនៅពេលយប់ ប៉ុន្តែ កម្រឃើញអ្នកមើលការខុសត្រូវរបស់ដែនជម្រកសត្វព្រៃនេះចាត់វិធានការណាស់។ …
