វិនិយោគ​ផ្ទាល់​ពី​វៀតណាម​កើន​ដល់​$៣០៣​លាន​

​ការ​វិនិយោគ​ផ្ទាល់​ពី​វៀតណាម​ (FDI)​នៅ​កម្ពុជា​ បាន​កើន​ដល់​ជិត​៣០៣​លាន​ដុល្លារ​ កាលពី​ឆ្នាំ​២០១៣​ ដែល​ជា​កំណើន​យ៉ាង​ខ្ពស់​បំផុត​បើ​ធៀប​នឹង​ចំនួន​៨៦​លាន​ដុល្លារ​នៅ​ ឆ្នាំ​២០១២​។​ នេះ​បើ​តាម​ប្រសាសន៍​លោកនាយក​រដ្ឋមន្ត្រី​ ហ៊ុន​ សែន​ ដែល​បាន​ថ្លែង​ក្នុង​សន្និសីទ​លើក​ទី​៤​ ស្តី​ពី​កិច្ច​សហប្រតិបត្តិការ​វិនិយោគ​ កម្ពុជា​-​វៀតណាម​នៅ​រាជធានី​ភ្នំពេញ​កាលពី​ថ្ងៃ​ម្សិលមិញ​។​ ​លោក​ថ្លែង​ថា​៖«​ខ្ញុំ​មាន​សេចក្តី​រីករាយ​ចំពោះ​កំណើន​លំហូរ​ទុន​វិនិយោគ​វៀតណាម​មក​ក្នុង​ប្រទេស​កម្ពុជា​ ក្នុង​ទសវត្សរ៍​កន្លង​ទៅ​នេះ​នៅ​តាម​វិស័យ​សំខាន់ៗ​មួយ​ចំនួន​។​ ការ​វិនិយោគ​ទាំង​អស់នេះ​ចូលរួម​ចំណែក​ក្នុង​ការ​ធ្វើ​ពិពិធ​កម្ម​សេដ្ឋកិច្ច​ ការ​បង្កើត​កា​ងារ​ និង​ការ​ជំរុញ​កំណើនសេដ្ឋកិច្ច​នៅ​កម្ពុជា​»​។​ ​សន្និសីទ​កិច្ច​សហប្រតិបត្តិការ​វិនិយោគ​កម្ពុជា​-​វៀតណាម​ ត្រូវ​បាន​លើក​ឡើង​នៅ​វិមាន​សន្តិភាព​កាលពី​ម្សិលមិញ​ ដែល​មាន​វត្តមាន​លោកនាយក​រដ្ឋមន្ត្រី​ ហ៊ុន​ សែន​ និង​ លោក​ ង្វៀ​ង​ តាន់​យុង​ នាយក​រដ្ឋមន្ត្រី​សាធារណរដ្ឋ​សង្គមនិយម​វៀតណាម​ ព្រមទាំង​តំណាង​ពាណិជ្ជករ​ពី​ប្រទេស​ទាំង​ពីរ​។​ …

ហ៊ គីមសាយ និង Daniel de Carteret
http://postkhmer.com/index.php/business/business/109206-2014-01-14-04-38-38