សេចក្តីជូនដំណឹងស្តីពីការដាក់ដំណើរការមុខងារ Two-Factor Authentication (2FA) ដោយប្រើប្រាស់ One-Time Password (OTP) ក្នុងប្រព័ន្ធស្វ័យប្រវត្តិកម្មទិន្នន័យគយ (អាស៊ីគូដា)
នៅថ្ងៃទី០៦ ខែឧសភា ឆ្នាំ២០២៦ អគ្គនាយកដ្ឋានគយនិងរដ្ឋាករកម្ពុជា បានចេញសេចក្តីជូនដំណឹង ស្តីពីការដាក់ដំណើរការមុខងារ Two-Factor Authentication (2FA) ដោយប្រើប្រាស់ One-Time Password (OTP) ក្នុងប្រព័ន្ធស្វ័យប្រវត្តិកម្មទិន្នន័យគយ (អាស៊ីគូដា)។
អគ្គនាយកដ្ឋានគយនិងរដ្ឋាករកម្ពុជា មានកិត្តិយសសូមជម្រាបជូន ប្រតិវេទករ ធុរជន និងវិស័យឯកជន ពាក់ព័ន្ធ ដែលមានគណនីប្រើប្រាស់ប្រព័ន្ធស្វ័យប្រវត្តិកម្មទិន្នន័យគយ (អាស៊ីគូដា) មេត្តាជ្រាបថា មុខងារ Two-Factor Authentication (2FA) ដែលប្រើប្រាស់បច្ចេកវិទ្យាផ្ទៀងផ្ទាត់អត្តសញ្ញាណតាមរយៈកម្មវិធីផ្ទៀងផ្ទាត់ អត្តសញ្ញាណបញ្ជរតែមួយជាតិ (NSW Authenticator) ត្រូវបានអភិវឌ្ឍរួចរាល់សម្រាប់ធានាឯកជនភាពនិងសុវត្ថិភាព ក្នុងការចូលទៅប្រើប្រាស់ប្រព័ន្ធអាស៊ីគូដា។
អគ្គនាយកដ្ឋានគយ និងរដ្ឋាករ
