សេចក្តីជូនដំណឹងស្តីពីការបិទផ្សាយជាសាធារណៈនូវឯកសារនៃការវិនិច្ឆ័យ
នៅថ្ងៃទី១០ ខែសីហា ឆ្នាំ២០២៦ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ធំ បានចេញសេចក្តីជូនដំណឹងស្តីពីការបិទផ្សាយជាសាធារណៈនូវឯកសារនៃការវិនិច្ឆ័យ។
សូមជូនដំណឹងដល់សាធារណៈជនព្រមទាំង គ្រប់មន្ទីរអង្គភាព និងគ្រប់ស្ថាប័ន ឬភ្នាក់ងារហិរញ្ញវត្ថុដែលមានការពាក់ព័ន្ធ និងក្បាលដីទាំងអស់ដែលស្ថិតនៅក្នុងតំបន់វិនិច្ឆ័យនៃ ភូមិជីវភាព ភូមិបែកចាន ភូមិដំរីស្លាប់ ភូមិអណ្តូងពោធិ៍ ភូមិវាលតូច ភូមិតុហ៍បារែង និងភូមិព្រើល ឃុំអណ្តូងពោធិ៍ ស្រុកតាំងគោក ខេត្តកំពង់ធំ ឲ្យបានជ្រាបថាៈ ដើម្បីអនុវត្តតាមខ្លឹមសារនៃអនុក្រឹត្យយោងខាងលើ គណៈកម្មការរដ្ឋបាល នឹងធ្វើការបិទផ្សាយជាសាធារណៈនូវឯកសារសុរិយោដីរួមមាន ប្លង់សុរិយោដី និងបញ្ជីឈ្មោះអ្នកកាន់កាប់ដី ដែលក្រុមការងារចុះបញ្ជីដីធ្លីមានលក្ខណៈ ជាប្រព័ន្ធបានធ្វើការវាស់វែង និងប្រមូលទិន្នន័យបានរួចរាល់កន្លងមក។
មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ធំ
