ចំណូលក្នុងស្រុក គឺជាប្រភពហិរញ្ញប្បទានដ៏សំខាន់សម្រាប់ការអភិវឌ្ឍនៅកម្ពុជា នេះបើតាមការលើកឡើងនៅក្នុងរបាយការណ៍ថ្មី
នៅថ្ងៃទី១៦ ខែកក្កដា ឆ្នាំ២០២១ យូអិនឌីភី (UNDP) បានចេញសេចក្តីប្រកាសស្តីពីការផ្សព្វផ្សាយរបាយការណ៍ដែលធ្វើការប៉ាន់ប្រមាណពីធនធានហិរញ្ញប្បទានដែលមានសម្រាប់ការអភិវឌ្ឍនៅកម្ពុជា រហូតដល់ឆ្នាំ ២០២៥ ដោយមានចំណងជើងថា “ការវាយតម្លៃលើធនធានហិរញ្ញប្បទាន សម្រាប់ការអភិវឌ្ឍនៅកម្ពុជា (DFA)”។
របាយការណ៍នេះបានធ្វើការវិភាគលើសមាសភាគ និងនិន្នាការ នៃរំហូរចូលធនធានហិរញ្ញវត្ថុទាំងអស់របស់កម្ពុជា ដែលមានប្រភពពី វិស័យសាធារណៈ វិស័យឯកជន អន្តរជាតិ និងជាតិ សម្រាប់គាំទ្រដល់ការវិនិយោគលើការងារអភិវឌ្ឍន៍នៅក្នុងប្រទេស។ ចំណូលក្នុងស្រុក កាន់តែក្លាយជាប្រភពហិរញ្ញប្បទានសំខាន់បំផុតសម្រាប់ការអភិវឌ្ឍនៅកម្ពុជា ពោលគឺស្មើនឹង ១៩% នៃ ផ.ស.ស ក្នុងឆ្នាំ ២០២០ និងបន្តកើនឡើងរហូតដល់ ២២,៥% ត្រឹមឆ្នាំ ២០២៥។ ខណៈពេលដែលរំហូរជំនួយអភិវឌ្ឍន៍ផ្លូវការ (ODA) នៅតែមានកម្រិតគួរកត់សម្គាល់ ស្មើនឹងប្រមាណ ៧,៩% នៃ ផ.ស.ស ផ្នែកខ្លះនៃប្រភពហិរញ្ញប្បទាននេះ បានងាកទៅរកកម្ចីវិញ ពោលគឺកម្ចីដែលពុំសូវមានលក្ខណៈសម្បទានដូចកាលពីមុន។ ការសិក្សាថ្មីនេះ ក៏បានប៉ាន់ប្រមាណពីការខាតបង់ ដែលទំនងជាកើតមានចំពោះកម្ពុជា ដោយសារវិបត្តិកូវីដ-១៩ ផងដែរ។ ជំងឺកូវីដ-១៩ នាំឱ្យមានការខាតបង់រំហូរហិរញ្ញប្បទានសរុប ប្រមាណ ៣,៦ ពាន់លានដុល្លារ ស្មើនឹង ១៩,៨% នៃរំហូរហិរញ្ញវត្ថុសរុប សម្រាប់ឆ្នាំ ២០២០។ អានបន្ថែម
យូអិនឌីភី
