សេចក្ដីថ្លែងការណ៍​រួម​ ស្ដី​ពី​ការ​កសាង​សហគមន៍​វាសនា​រួម​កម្ពុជា​-​ចិន​ ក្នុង​យុគសម័យ​ថ្មី​ រវាង​ព្រះរាជាណាចក្រ​កម្ពុជា​ និង​សាធារណរដ្ឋ​ប្រជាមានិត​ចិន​

​នៅ​ថ្ងៃ​ទី​១២​ ខែកុម្ភៈ​ ឆ្នាំ​២០២៣​ ក្រសួងការបរទេស​ និង​ទំនាក់ទំនង​អន្តរជាតិ​ បាន​ចេញផ្សាយ​សេចក្តីថ្លែងការណ៍​រួម​ស្តី​ពី​ការ​កសាង​សហគមន៍​វាសនា​រួម​កម្ពុជា​-​ចិន​ ក្នុង​យុគសម័យ​ថ្មី​រវាង​ព្រះរាជាណាចក្រ​កម្ពុជា​ និង​សាធារណរដ្ឋ​ប្រជាមានិត​ចិន​ បន្ទាប់​ពី​បាន​អញ្ជើញ​បំពេញ​ទស្សនកិច្ច​ផ្លូវការ​របស់​លោកនាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ នៅ​សា​ធារ​ដ្ឋ​ប្រជាមានិត​ចិន​ ពី​ថ្ងៃ​ទី​០៩​ ដល់​ថ្ងៃ​ទី​១១​ ខែកុម្ភៈ​ ឆ្នាំ​២០២៣​។​

​ក្នុង​ឱកាស​ទស្សនកិច្ច​នេះ​ លោកនាយក​រដ្ឋមន្ត្រី​ បាន​ជួប​ពិភាក្សា​ ឯកឧត្តម​ប្រធានាធិបតី​ ស៊ីជី​ន​ពីង​ និង​ធ្វើការ​ផ្លាស់​ប្តូរ​ទស្សនៈ​គ្នា​យ៉ាង​ស៊ីជម្រៅ​ អំពី​ការ​កសាង​សហគមន៍​វាសនា​រួម​កម្ពុជា​-​ចិន​ និង​បញ្ហា​តំបន់​ និង​អន្តរជាតិ​ ដែល​ជា​ប្រយោជន៍​រួម​ ដើម្បី​កំណត់​ទិស​ដៅ​ នៃ​ទំនាក់ទំនង​កម្ពុជា​-​ចិន​ នា​ពេល​អនាគត​។​ ភាគី​ទាំង​ពីរ​បាន​ឯកភាព​ធ្វើ​ឱ្យ​ស៊ីជម្រៅ​នូវ​កិច្ច​សហប្រតិបត្តិការ​ និង​ការ​បន្ស៊ី​គ្នា​ជា​យុទ្ធសាស្ត្រ​រវាង​គំនិត​ផ្តួចផ្តើម​ខ្សែក្រវាត់​ និង​ផ្លូវ​ និង​យុទ្ធសាស្ត្រ​ចតុកោណ​ ដើម្បី​ធានា​សុវត្ថិភាព​ នៃ​គម្រោង​និង​បុគ្គលិក​ ព្រមទាំង​ផ្តល់​តួនាទី​ឱ្យ​កាន់តែ​សំខាន់​ដល់​យន្តការ​ការងារ​កម្ពុជា​-​ចិន​ សម្រាប់​កិច្ច​សហប្រតិបត្តិការ​វិនិយោគ​ និង​សមត្ថភាព​ផលិតកម្ម​។​ ពិនិត្យ​លទ្ធភាព​អភិវឌ្ឍន៍​ “ច្រករបៀង​ឧស្សាហកម្ម​ និង​បច្ចេកវិទ្យា​”​ ដើម្បី​សម្រេច​ឱ្យ​បាន​នូវ​ចក្ខុវិស័យ​ ក្នុង​ការ​អភិវឌ្ឍ​ខេត្ត​ព្រះ​សីហ​នុ​ឱ្យទៅ​ជា​តំបន់​សេដ្ឋកិច្ច​ពិសេស​ពហុ​បំណង​គំរូ​មួយ​។​ កសាង​តំបន់​សេដ្ឋកិច្ច​ពិសេស​ក្រុងព្រះសីហនុ​ ជា​គម្រោង​លេចធ្លោ​ និង​ផ្លូវ​ល្បឿន​លឿន​ភ្នំពេញ​-​ព្រះ​សីហ​នុ​ ដើម្បី​ទាក់ទាញ​សហគ្រាស​ចិន​ ដែល​មាន​សមត្ថភាព​បន្ថែម​ទៀត​ ក្នុង​ការ​បង្កើន​ការ​វិនិយោគ​នៅ​កម្ពុជា​ ពិនិត្យ​លទ្ធភាព​លើ​សហប្រតិបត្តិការ​ក្នុង​វិស័យ​ហេដ្ឋារចនាសម្ព័ន្ធ​ដឹក​ជញ្ជូន​ បណ្តាញ​អគ្គិសនី​ បណ្តាញ​ខ្សែកាប​អុ​ប​ទិ​ក​ ឃ្លាំង​ស្តុក​ទំនិញ​ និង​ភស្តុ​ភារ​កម្ម​ ដើម្បី​បង្កើន​ប្រសិទ្ធិ​ភាព​សមា​រណកម្ម​ នៃ​កិច្ច​សហប្រតិបត្តិការ​សមត្ថភាព​ផលិតកម្ម​កម្ពុជា​-​ចិន​ ដែល​មាន​លក្ខណៈ​ចម្រុះ​។​

​ភា​គិ​ទាំង​ពីរ​ក៏​បាន​ឯកភាព​អនុវត្ត​អនុស្សរណៈ​ នៃ​ការ​យោគយល់​គ្នា​ ស្តី​ពី​ផែនការ​កិច្ច​សហប្រតិបត្តិការ​អភិវឌ្ឍន៍​កម្ពុជា​-​ចិន​ (២០២៣-២០២៥)​។​ ជំរុញ​ការ​សាងសង់​ហេដ្ឋារចនាសម្ព័ន្ធ​រួម​មាន​ ផ្លូវថ្នល់​ ស្ពាន​ អាង​ស្តុក​ទឹក​ ស្ថា​ន័យ​ប្រព្រឹត្ត​កម្ម​ទឹក​កខ្វក់​ និង​ខ្សែកាប​អុ​ប​ទិ​ក​ក្រោម​បាតសមុទ្រ​។​ អនុវត្ត​គម្រោង​ផ្លូវ​ជនបទ​នានា​ ការ​ផ្គត់​ផ្ត​ង់​ទឹក​ សាលារៀន​ និង​គម្រោង​វេជ្ជសាស្ត្រ​នានា​នៅ​កម្ពុជា​ ដើម្បី​លើកកម្ពស់​ជីវភាព​រស់នៅ​របស់​ប្រជាពលរដ្ឋ​។​

ក្រសួងការបរទេស​ និង​ទំនាក់ទំនង​អន្តរជាតិ

ទាញយក៖ pdf