ក្រុមហ៊ុន Smart ដាក់ឲ្យដំណើរការសេវា 4G
ពេលនេះប្រជាជន កម្ពុជា អាចប្រើប្រាស់បណ្ដាញអ៊ីនធឺណិត ៤G ជាមួយនឹងទូរស័ព្ទចល័តរបស់ខ្លួន ជាលើកដំបូងប៉ុន្តែមានតែតំបន់សំខាន់ៗមួយចំនួននៅក្នុងទីក្រុង ភ្នំពេញ ប៉ុណ្ណោះបន្ទាប់ពីក្រុមហ៊ុន Smart Mobile បានប្រកាសពីបណ្ដាញ LTE ៤G របស់ខ្លួននៅ ណាហ្គា វើល កាលពីម្សិលមិញ។ លោក Thomas Hundt នាយកប្រតិបត្តិក្រុមហ៊ុន Smart បានបើកសម្ពោធដំណើរការបណ្ដាញថ្មីនេះ ដែលពេលនេះកំពុងប្រតិបត្តិការនៅក្នុង «តំបន់ពិសោធន៍» ចំនួន ៦ រួមមាន កាស៊ីណូ ណាហ្គា វើល ផ្សារទំនើប សុវណ្ណា ផ្សារទំនើប រតនា ផ្លាហ្សា De Castle Toul Kork ព្រលានយន្តហោះ ភ្នំពេញ និងហាង បឹងត្របែក របស់ក្រុមហ៊ុននេះ។ ប្រជាជនប្រាថ្នាចង់ប្រើប្រាស់បណ្ដាញនេះដែលសន្យាថា នឹងបង្កើនល្បឿនអ៊ីនធឺណិតរហូតដល់ ១០ ដងលឿនជាងបណ្ដាញ ៣G តែចាំបាច់ក្នុងការផ្លាស់ប្តូរស៊ីមកាតដែលមានស្រាប់របស់ខ្លួនជាមួយនឹងស៊ីម LTE ៤G ថ្មីរបស់ក្រុមហ៊ុន Smart។ …
Eddie Morton
http://postkhmer.com/business/business/109621--smart-4g
