ពលរដ្ឋ ៩ ខេត្តអំពាវនាវឲ្យទប់អ្នកមានអំណាចកុំឲ្យកាប់បំផ្លាញព្រៃ
អ្នកភូមិមកពីសហគមន៍ព្រៃឈើក្នុងខេត្តចំនួន ៩ កាលពីម្សិលមិញបានអំពាវនាវឲ្យរដ្ឋាភិបាលចាត់វិធានការទៅលើករណី «បុគ្គលអ្នកមាននិងមានអំណាច» ដែលកំពុងបង្កឲ្យមានការ «បំផ្លាញធ្ងន់ធ្ងរ» ទៅលើជីវភាពរបស់ពួកគេ។ អ្នកភូមិដែលមានការគាំទ្រពីអង្គការក្រៅរដ្ឋាភិបាលចំនួន ពីរ គឺសមាគមអភិវឌ្ឍន៍កុមារ (CDA) និងបណ្តាញកសាងសន្តិភាពសហគមន៍ (CPN) បានលើកឡើងអំពីក្តីបារម្ភចំពោះការកាប់បំផ្លាញព្រៃឈើដែលពួកគេ បាននិយាយថា ត្រូវបានកាប់បំផ្លាញ និងឈូសឆាយវាតយកដី ដោយឈ្មួញ ទាហាន និងអាជ្ញាធរ ដែលជាបុគ្គលមានអំណាច។ លោក សន ស៊ីយ៉ាន តំណាងសហគមន៍មកពី ខេត្តក្រចេះ បានថ្លែងថា ព្រៃសហគមន៍ចំនួន ៧ ក្នុងចំណោម ១១ ដែលបានចុះបញ្ជីចាប់តាំងពី ឆ្នាំ២០១១ ដែលមានជាង ២ ម៉ឺន ១ ពាន់ហិកតាត្រូវបានកាប់បំផ្លាញទាំងស្រុង។ លោកថ្លែងបន្តថា៖ «ព្រៃចំនួន ៧ កន្លែងដែលមានជាង ៤០០០ ហិកតាត្រូវបានកាប់ដោយក្រុមហ៊ុនមួយចំនួន ដែលជារបស់បុគ្គលអ្នកមាននិងមានអំណាចដែលសហការជាមួយអាជ្ញាធរ»។ …
ផាក់ ស៊ាងលី
http://www.postkhmer.com/national/1-national-news/114607-2014-05-21-03-36-44
