ទិដ្ឋភាពទូទៅនៃគោលនយោបាយ និងក្របខណ្ឌច្បាប់

Workshop on scenario-guided policy analysis for development, food security and environment in South East Asia. Photo by Climate Change, Agriculture and Food Security, taken on 22 October 2014. Licensed under Creative Commons Attribution-NonCommercial-ShareAlike 2.0 Generic.

សិក្ខាសាលាស្តីពីការវិភាគសេណារីយ៉ូណែនាំគោលនយោបាយ សម្រាប់ការអភិវឌ្ឍសន្តិសុខស្បៀង និងបរិស្ថាន នៅក្នុងតំបន់អាស៊ីអាគ្នេយ៍។ រូបភាព ថតដោយ អង្គការការប្រែប្រួលអាកាសធាតុ កសិកម្ម និងសន្តិសុខស្បៀង, ២២ តុលា ២០១៤។ ក្រោមអាជ្ញាប័ណ្ណ CC BY-NC-SA 2.0

រវាង​ឆ្នាំ២០១៤ និងឆ្នាំ២០១៨ យុទ្ធសាស្រ្តចតុកោណដំណាក់កាលទី៣ គឺជាយុទ្ធសាស្រ្តនាំផ្លូវមួយ របស់រាជរដ្ឋាភិបាលកម្ពុជា។ ស្ថិតក្រោមយុទ្ធសាស្រ្តនេះ ការការពារបរិស្ថាន និងការអភិរក្ស ត្រូវបានផ្តល់អាទិភាពខ្ពស់។1

ក្នុងនោះផងដែរ គោលដៅអភិវឌ្ឍន៍សហស្សវត្សរ៍កម្ពុជា (CMDGs) ក៏បានរាប់បញ្ចូលគោលដៅជាក់លាក់ ដើម្បីធានាឱ្យបានចីរភាពបរិស្ថាន។ គោលបំណងនៃគោលដៅនេះ គឺដើម្បី “បញ្ចូលគោលការណ៍នៃការអភិវឌ្ឍប្រកបដោយចីរភាពទៅក្នុងគោលនយោបាយ និងកម្មវិធីថ្នាក់ប្រទេស និងបញ្ជៀសការបាត់បង់ធនធានបរិស្ថាន”។2 ផែនការយុទ្ធសាស្ត្រអភិវឌ្ឍន៍ជាតិរបស់កម្ពុជាឆ្នាំ ២០១៤-២០១៨ បានបញ្ជាក់ពីសារៈសំខាន់នៃការការពារធនធានធម្មជាតិ និងការអភិវឌ្ឍប្រកបដោយនិរន្តរភាព។3

កម្មវិធីព្រៃឈើថ្នាក់ជាតិ ២០១០-២០២៩ ត្រូវបានបង្កើត និងអនុម័តដោយរាជរដ្ឋាភិបាលកម្ពុជានៅក្នុងឆ្នាំ២០១០។ កម្មវិធីនេះ គឺជាផ្នែកមួយនៃគោលបំណង ដើម្បីសម្រេចបាននូវ គោលដៅអភិវឌ្ឍន៍សហស្សវត្សរ៍ រួមមានការរក្សារគម្របព្រៃឈើឱ្យបាន ៦០ ភាគរយ នៅឆ្នាំ២០១៥។4 ដើម្បីសម្រេចបាននូវគោលដៅ គោលនយោបាយនេះ បានបង្កើតកម្មវិធីចំនួន៦ រួមមាន៖5

  • ការបោះបង្គោល ការចាត់ថ្នាក់ និងការចុះបញ្ជីព្រៃឈើ
  • ការអភិរក្ស និងការអភិវឌ្ឍធនធានព្រៃឈើ និងជីវៈចម្រុះ
  • ពង្រឹងការអនុវត្ត​ច្បាប់ និងអភិបាលកិច្ចព្រៃឈើ
  • កម្មវិធីសហគមន៍ព្រៃឈើ
  • ការអភិវឌ្ឍសមត្ថភាព និងការស្រាវជ្រាវ
  • ការផ្តល់ហិរញ្ញព្រៃឈើប្រកបដោយនិរន្តរភាព

ទោះជាយ៉ាងណាក្តី លទ្ធផលនៃគម្របព្រៃឈើឆ្នាំ២០១៤ របស់អង្គការទិន្នន័យអំពីការអភិវឌ្ឍ (ហៅកាត់ថា ODC) បានបង្ហាញថា ដី​មិន​មែន​ព្រៃមានចំនួន ៤៨.៤% គឺមានទំហំធំជាងគម្របព្រៃឈើដែលមានចំនួនត្រឹម ៤៧.៧ភាគរយ ប៉ុណ្ណោះ។ ហេតុនេះ គោលដៅក្នុងការធានាគម្របព្រៃឱ្យបាន ៦០ភាគរយ ទំនងជាមិនអាចសម្រេចបានឡើយ។6

នៅក្នុងឆ្នាំ២០១១ ក្របខណ្ឌផែនការយុទ្ធសាស្រ្តសម្រាប់វិស័យជលផល ២០១០-២០១៩ ត្រូវបានបោះពុម្ពចេញផ្សាយជា​ផ្លូវការ។ គោលបំណងចម្បងរបស់ឯកសារគោលនយោបាយនេះ គឺដើម្បីគាំទ្រដល់សមិទ្ធិផល CMDGs រួមទាំងការអនុវត្តផែនការយុទ្ធសាស្ត្រអភិវឌ្ឍន៍ជាតិ និងអនុលោមតាមច្បាប់ស្តីពីជលផល ដើម្បីជាប្រយោជន៍ដល់ប្រជាជនកម្ពុជា។ គោលនយោ បាយនេះ មានគោលបំណងដើម្បីបង្កើនផលិតផលត្រី ក្នុងការប្រើប្រាស់ក្នុងស្រុក និងបម្រើទីផ្សារនាំចេញ ដោយពឹងផ្អែកលើសសរស្តម្ភធំបី៖7

  • ការនេសាទត្រីទឹកសាប និងសមុទ្រ តាមបែបធម្មជាតិ
  • វារីវប្បកម្មទឹកសាប និងសមុទ្រ
  • ការជួយសម្រួលដល់ការកែច្នៃផលិតផល និងការធ្វើពាណិជ្ជកម្ម

គោលនយោបាយជាតិ និងផែនការយុទ្ធសាស្ត្រសម្រាប់ការអភិវឌ្ឍន៍បៃតង ២០១៣-២០៣០ ត្រូវបានអនុម័តដោយទីស្តីការគណៈរដ្ឋមន្ត្រី នៅក្នុង ខែមីនា ឆ្នាំ២០១៣។ គោលនយោបាយជាតិនេះ ត្រូវបានចងក្រងដោយក្រសួងបរិស្ថាន ក្នុងគោលបំណងធ្វើឱ្យមានតុល្យភាពរវាងការអភិវឌ្ឍសេដ្ឋកិច្ច សង្គម និងបរិស្ថាន។ គោលនយោបាយនេះ ជួយជម្រុញឱ្យមានការធ្វើសេដ្ឋកិច្ចបៃតងនៅកម្ពុជា ជាពិសេសការបង្កើនការផ្តល់ហិរញ្ញប្បទានបៃតង និងការវិនិយោគបៃតង។ លើសពីទៅនេះទៀត ប្រទេសកម្ពុជា ក៏បានអនុម័តច្បាប់មួយចំនួន ជាឧបករណ៍សម្រាប់ការអនុវត្តការអភិវឌ្ឍបៃតង រួមមាន ការចង្អុលបង្ហាញពីការអភិវឌ្ឍបៃតងថ្នាក់ជាតិ (National Green Growth Roadmap) ដែលចេញផ្សាយនៅខែធ្នូ ឆ្នាំ២០០៩។8

ក្របខណ្ឌច្បាប់សំខាន់ៗរបស់កម្ពុជា

ក្របខណ្ឌច្បាប់ចំបងៗរបស់កម្ពុជា ក្នុងការដោះស្រាយការការពារបរិស្ថាន និងការគ្រប់គ្រងធនធានធម្មជាតិ និងការពិគ្រោះយោបល់ជាសាធារណៈ គឺច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ ដែលត្រូវបានអនុម័តក្នុងឆ្នាំ១៩៩៦។

ជាសង្ខេប ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ មានគោលបំណងដូចខាងក្រោម៖9

  • ការពារ និងធ្វើឱ្យប្រសើរឡើងនូវគុណ​ភាព​បរិស្ថាន និងកាត់បន្ថយការបំពុលបរិស្ថាន
  • វាយតម្លៃហេតុប៉ះពាល់នៃគម្រោង ដែលបានស្នើឡើងមុនពេលធ្វើការអនុម័ត
  • ធានាឱ្យបាននូវការប្រើប្រាស់ឱ្យសមហេតុផល និង​មាន​និរន្តរ​ភាព​នៃធនធានរបស់កម្ពុជា
  • លើកទឹកចិត្តឱ្យ​មាន​ការចូលរួមជាសាធារណៈ ក្នុងការការពារបរិស្ថាន និងការគ្រប់គ្រងធនធានធម្មជាតិ
  • សង្កត់ធ្ងន់លើសកម្ម​ភាព​ ដែល​មាន​ផលប៉ះពាល់ជាអវិជ្ជ​មាន​លើបរិស្ថាន

បន្ថែមទៀតនោះ យោងតាមជំពូកទី៤ នៃច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ បានតម្រូវឱ្យក្រសួងបរិស្ថានសហការជាមួយក្រសួងស្ថាប័នពាក់ព័ន្ធនានា ដើម្បីធ្វើការវាយតម្លៃហេតុប៉ះពាល់បរិស្ថាន និងការផ្តល់អនុសាសន៍ដល់ក្រសួងពាក់ព័ន្ធ ធានាឱ្យបានថាធនធានធម្មជាតិត្រូវបានប្រើប្រាស់ក្នុង លក្ខណៈប្រកបដោយនិរន្តរភាព។ ប៉ន្តែ តួនាទី និងភារកិច្ចរបស់ក្រសួងពាក់ព័ន្ធ មិនមានចែងច្បាស់លាស់ នៅក្នុងច្បាប់បរិស្ថានឡើយ។10

បទប្បញ្ញត្តិ និងបទដ្ឋានគុណភាពបរិស្ថានជាក់លាក់ មានចែងនៅក្នុងអនុក្រឹត្យចំនួន៣៖

ឩបករណ៍ច្បាប់ចម្បងៗទាក់ទងនឹងការគ្រប់គ្រងធនធានព្រៃឈើ មានដូចជា ច្បាប់ព្រៃឈើ ដែលបានអនុម័តនៅឆ្នាំ ២០០២។ ច្បាប់ស្តីពីឈើ បានចែងថាការគ្រប់គ្រងព្រៃឈើ គឺស្ថិតនៅក្រោមយុត្តាធិការក្រសួងកសិកម្ម រុក្ខាប្រមាញ់ និងនេសាទ លើកលែងតែការគ្រប់គ្រងព្រៃលិចទឹក ដែលត្រូវបានគ្របដណ្តប់ដោយច្បាប់ផ្សេងគ្នា។

បទប្បញ្ញត្តិស្តីពីការគ្រប់គ្រងព្រៃឈើជាក់លាក់មានដូចជា៖

ចំណែកឯ ធនធានជលផលវិញ ស្ថិតនៅក្រោម ច្បាប់ស្តីពីជលផល ដែលត្រូវបានអនុម័តនៅឆ្នាំ ២០០៦។ សេចក្ដីលម្អិតបន្ថែម អាចរកបាននៅក្នុងទំព័រ គោលនយោបាយ និងការគ្រប់គ្រងជលផល។

បទប្បញ្ញត្តិជាក់លាក់នៅលើការគ្រប់គ្រងធនធានជលផលមានដូចជា៖

បានធ្វើបច្ចុប្បន្នភាព៖ ៣០ កញ្ញា ២០១៥

ទាក់ទងនឹងទិដ្ឋភាពទូទៅនៃគោលនយោបាយ និងក្របខណ្ឌច្បាប់

ឯកសារយោង

  • 1. រាជរដ្ឋាភិបាលកម្ពុជា. យុទ្ធសាស្រ្តចតុកោណដំណាក់កាលទី៣. ភ្នំពេញ៖ ២០១៣.
  • 2. រាជរដ្ឋាភិបាលកម្ពុជា (រៀបចំដោយក្រសួងផែនការ). ការសម្រេចបាននូវគោលដៅអភិវឌ្ឍន៍សហស្សវត្សរ៍របស់កម្ពុជា៖ ការបន្ទាន់សម័យឆ្នាំ២០១០, មិនា ២០១០ (ទំ.៣០).
  • 3. រាជរដ្ឋាភិបាលកម្ពុជា. ផែនការយុទ្ធសាស្ត្រអភិវឌ្ឍន៍ជាតិឆ្នាំ ២០១៤-២០១៨. ភ្នំពេញ៖ ២០១៣.
  • 4. រាជរដ្ឋាភិបាលកម្ពុជា. កម្មវិធីព្រៃឈើថ្នាក់ជាតិ ២០១០-២០២៩. ភ្នំពេញ៖ ២០១០.
  • 5. ដូចលេខយោងខាងលើ
  • 6. ”គម្របព្រៃឈើ.” អង្គការទិន្នន័យអំពីការអភិវឌ្ឍ. ១០ មេសា ២០១៥. ដកស្រង់ ៥ ឧសភា ២០១៥.​ http://www.opendevelopmentcambodia.net/briefing/forest-cover/.
  • 7. រាជរដ្ឋាភិបាលកម្ពុជា. ក្របខណ្ឌផែនការយុទ្ធសាស្រ្តសម្រាប់វិស័យជលផល ២០១០-២០១៩. ភ្នំពេញ៖ ២០១១.
  • 8. “កម្ពុជាបើកផែនការអភិវឌ្ឍន៍បៃតង ២០១៣-២០៣០.” Xinhua, ១ មីនា ២០១៣. ដកស្រង់ ១៥ កក្កដា ២០១៥. http://news.xinhuanet.com/english/world/2013-03/01/c_132201617.htm
  • 9. ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ, ១៩៩៦ (មាត្រា ១).
  • 10. ដូចលេខយោងខាងលើ. (ជំពូក៤, មាត្រា៩).
ទំនាក់ទំនងយើងខ្ញុំ

ទំនាក់ទំនងយើងខ្ញុំ

បើលោកអ្នកមានសំនួរទាក់ទងនឹងខ្លឹមសារផ្សាយនៅលើគេហទំព័រ Open Development Cambodia (ODC)? យើងខ្ញុំ​នឹង​ឆ្លើយ​តប​​ដោយ​ក្តី​រីក​រាយ។

តើអ្នកបានឃើញបញ្ហាបច្ចេកទេសណាមួយនៅលើគេហទំព័រOpen Development Cambodia (ODC) ដែរឬទេ?

តើលោកអ្នកយល់យ៉ាងដូចម្តេចដែរចំពោះការងាររបស់អូឌីស៊ី?

តើលោកអ្នកមានឯកសារដែលអាចជួយពង្រីក​គេហទំព័រOpen Development Cambodia (ODC) ដែរ​ឬទេ​?​ យើងខ្ញុំ​នឹង​ធ្វើការ​ត្រួតពិនិត្យ​រាល់​ទិន្នន័យ​អំពី​ផែនទី​ ច្បាប់​ អត្ថបទ​ និង​ ឯកសារ​ដែល​ពុំ​មាននៅ​លើ​គេហទំព័រ​នេះ​ ហើយ​ពិចារណា​បោះផ្សាយ​ទិន្នន័យ​ទាំងនោះ​។​ សូម​មេត្តា​ផ្ញើ​តែ​ឯកសារ​ណា​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative Commons

ឯកសារត្រូវបានលុប
មានបញ្ហា!

កំណត់សម្គាល់៖ Open Development Cambodia (ODC) នឹង​ធ្វើការ​ត្រួតពិនិត្យ​រាល់​ឯកសារ​ដែល​បាន​បញ្ជូន​មក​យ៉ាង​ហ្មត់ចត់​ ដើម្បី​កំណត់​ភាព​ត្រឹមត្រូវ​ និង​ពាក់ព័ន្ធ​ មុន​ពេលធ្វើការ​បង្ហោះ​ផ្សាយ​។​ រាល់​ឯកសារ​ដែល​បាន​បង្ហោះ​ផ្សាយ​នឹង​ជា​ឯកសារ​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative​ Commons​។​ យើងខ្ញុំ​សូម​អគុណ​សំរាប់​ការ​គាំទ្រ​របស់​លោក​អ្នក​។​

kszKP
* ប្រអប់មតិមិនអាចទទេ! មិនអាចបញ្ចូនបាន សូមធ្វើការបញ្ចូនម្តងទៀត! Please add the code correctly​ first.

សូម​អរគុណ​សំរាប់​ការ​ចំនាយ​ពេល​ក្នុង​ការ​ចែក​រំលែក​មក​កាន់​យើងខ្ញុំ!