រ៉ែ ផលិតផលរ៉ែ និងទំនិញ

រ៉ែមកពី Halpern Mineral Collection​ទីក្រុង San Francisco រូបថតដោយ  Eric Hunt ថតនៅថ្ងៃទី២១ ខែតុលា ឆ្នាំ២០០៦.អាជ្ញាប័ណ្ណ៖CC BY-NC-ND 2.0

រ៉ែមកពី Halpern Mineral Collection​ទីក្រុង San Francisco រូបថតដោយ
Eric Hunt កាលពីថ្ងៃទី២១ ខែតុលា ឆ្នាំ២០០៦។ក្រោមអាជ្ញាប័ណ្ណ៖ CC BY-NC-ND 2.0

​ធនធាន​រ៉ែ​នៅ​ក្នុងប្រទេសកម្ពុជា​មិនទាន់មាន​ការ​អភិវឌ្ឍពេញលេញនោះទេ​ ដោយ​ផលិតកម្ម​ភាគច្រើន​ផ្តោត​ទៅ​លើ​វត្ថុធាតុដើមសម្រាប់សំណង់​ដូច​ជា​កំទេច​ថ្ម​ ដីខ្សាច់​ និង​ថ្ម​គ្រួ​ស​និង​ចុ​ណ្ណី​សិលា​។1

នាពេលបច្ចុប្បន្នភាព មិនមានការទាញយករ៉ែជាលក្ខណៈឧស្សាហកម្មខ្នាតធំឡើយ។ ចាប់​តាំង​ដើម​ទស​វត្ស​នៃ​ឆ្នាំ​២០០០​មក​ វិស័យ​ប្រេង​និង​ឧស្ម័ន​ ព្រមទាំង​រ៉ែ​ក្នុង​ដី​រួម​មាន​ស្ពាន់​,​ មាស​,​ ធ្យូងថ្ម​ ដែក​និង​ដែកថែប​បាន​ទាក់ទាញ​ចំណាប់អារម្មណ៍​លើ​ការ​វិនិយោគ​ក្នុង​តំបន់​និង​អន្តរជាតិ​មក​ពី​ ប្រទេស​សិង្ហ​បុរី​ ថៃ​ ម៉ា​ឡេ​ស៊ី​ចិន​ កូរ៉េ​ខាងត្បូង​ អូស្ត្រាលី​និង​សហរដ្ឋអាមេរិក​។​

ការ​ទាញ​យក​រ៉ែ​ជា​លក្ខណៈ​ឧស្សាហកម្ម​ទី​១​ក្នុង​ប្រទេស​កម្ពុជា​ក្រៅ​អំពី​វត្ថុធាតុដើម​សម្រាប់​សំណង់​ អាច​ជា​ការ​ទាញ​យក​ រ៉ែ​មាស​។​ អាជ្ញាប័ណ្ណ​ឧស្សាហកម្ម​រុករក​រ៉ែ​ដំបូង​បង្អស់​សម្រាប់​រ៉ែ​មាស​ និង​លោហៈធាតុ​ដែល​ស្ថិត​ក្រោម​ក្រប​ខណ្ឌ​ច្បាប់​ ត្រូវ​បាន​ក្រសួង​រ៉ែ​ និង​ថាមពល​ ចេញ​អោយ​ក្រុមហ៊ុន​រុករក​រ៉ែ​ Mesco​ Gold​ ភូមិ​ស៊ី​យ៉ា​រ៉ុ​ង​  ក្នុង​ខេត្តរតនគិរី​ នៅ​ក្នុង​ខែ​ កញ្ញា​ ឆ្នាំ​ ២០១៦​។​2  

​ក្របខ័ណ្ឌ​ច្បាប់​

​ច្បាប់​នៃ​ការ​គ្រប់គ្រង​ធនធាន​រ៉ែ​នៃ​ប្រទេស​កម្ពុជា​ដែល​បាន​ប្រកាស​ឱ្យ​ប្រើ​នៅ​ឆ្នាំ​ ២០០១​ ជា​ឯកសារ​ផ្លូវការ​ចំបង សម្រាប់វិស័យនេះ ដែលផ្តល់ព័ត៌មានស្តីអំពីគោលនយោបាយ​និង​ការ​គ្រប់គ្រង​ការ​ផ្ដល់​អាជ្ញាប័ណ្ណ ​ព្រមទាំង​ការ​ទូទាត់ថវិការ​នៅ​ក្នុង​វិស័យឧស្សាហកម្ម​រ៉ែ​។​3ច្បាប់​​វិនិយោគ​នៃ​ព្រះរាជាណាចក្រ​កម្ពុជា​ដែល​បាន​អនុម័ត​ក្នុង​ឆ្នាំ​ ១៩៩៤​ បាន​រាយ​នាម​គោលនយោបាយ​សម្រាប់​វិនិយោគទុន​ផ្ទាល់​ពី​បរទេស​ (FDI)​ នៅ​ក្នុង​ប្រទេស​កម្ពុជា​។​ គោលនយោបាយ​នេះ​មាន​គោលបំណង​​លើកទឹកចិត្ត​ដល់​វិនិយោគទុន​​និង​សកម្មភាព​អាជីវកម្ម​បរទេស ​ តួយ៉ាង​ដូចជាភាព​ជា​កម្មសិទ្ធិ​ទាំងស្រុង​លើការ​វិនិយោគ​ក្នុង​វិស័យ​រុករក​រ៉ែ​ ដោយមានអន្តរគមតិចតួច​ពី​រដ្ឋាភិបាល​។

​ក្រសួង​រ៉ែ​និង​ថាមពល​ដើរតួ​នាទី​ជា​ស្ថាប័ន​រដ្ឋាភិបាល​ដ៏​សំខាន់​មួយ​ក្នុង​ការ​គ្រប់គ្រង​វិស័យនេះ។​ នាយកដ្ឋាន​ចំបង​ពីរ​របស់​ក្រសួង​នេះ​គឺ​នាយកដ្ឋាន​ភូគព្ភសាស្ត្រ​ និង​​នាយកដ្ឋានរ៉ែនិង​ថាមពល​ទទួល​បន្ទុក​គ្រប់គ្រងនិង​ត្រួតពិនិត្យលើ គោល នយោបាយពាក់ព័ន្ធក៏​ដូច​ជា​ជួយ​សម្រួល​ដល់​ស្ថាប័នឯកជន​​។​ អង្គភាព​រដ្ឋាភិបាល​ដាច់​ដោយឡែក​មួយ​ផ្សេង​ ទៀត​គឺ​ក្រុមប្រឹក្សា​អភិវឌ្ឍន៍​កម្ពុជា​ (CDC)​ មាន​តួនាទី​ត្រួតពិនិត្យ​ជា​រួម​ទៅ​លើ​វិស័យ​រ៉ែ​និង​ ផ្តល់​ជំនួយ​ដល់​ក្រុមហ៊ុន​និង​វិនិយោគិន​ដែល​មាន​ប្រតិបត្ដិការ​ អជីវកម្ម​នៅ​ក្នុងស្រុក​។​4

​រចនាសម្ព័ន្ធ​ឧស្សាហកម្ម​និង​ផលិតកម្ម​

គិត​ត្រឹម​ថ្ងៃ​ទី​ ៣០​ ខែវិច្ឆិកា​ឆ្នាំ​ ២០១៥​ មាន​ក្រុមហ៊ុន​ក្នុងស្រុក​និង​អន្តរជាតិ​ចំនួន​ ១០៦​ ក្រុមហ៊ុន​ កំពុង​ធ្វើ​ប្រតិបត្តិការ​នៅ​ក្នុង​ប្រទេស​។​ អាជ្ញាប័ណ្ណ​រុករក​រ៉ែ​ចំនួន​ ១៣២​ ត្រូវ​បាន​ផ្តល់​ចេញ​ ដែល​ក្នុង​នោះ​ មាន​អាជ្ញាប័ណ្ណ​២សម្រាប់​រ៉ែ​លោហធាតុ​ ២ផ្សេងទៀត​សម្រាប់​រ៉ែ​បុក​ស៊ី​ត​ ២​ផ្សេង​ទៀត​សម្រាប់​ការ​បូម​ខ្សាច់​ស៊ី​លី​កា​និង​១១អាជ្ញាប័ណ្ណ​ទៀត​សម្រាប់​ការ​រ៉ុ​ករក​ធ្យូងថ្ម​។​ ទន្ទឹម​នឹង​នោះ​ មាន​អាជ្ញាប័ណ្ណ​អាជីវកម្ម​រ៉ែ​ ចំនួន​១៤​ទៀត​ ត្រូវ​បាន​ផ្តល់​ចេញ​ ដោយ​មាន​អាជ្ញាប័ណ្ណ​ចំនួន​៤ត្រូវ​បាន​ផ្តល់​ទៅ​កាន់ការ​ជីក​យក​រ៉ែ​មាស​ ១ទៀត​បានផ្តល់ទៅកាន់​ការ​ជីក​យក​រ៉ែ​ដែក​ ១ផ្សេង​ទៀត​ទៅកាន់​ការ​ជីក​យក​រ៉ែ​ត្បូង​និង​៧​ទៀត​ទៅកាន់ការ​ជីក​យក​រ៉ែថ្មកំបោរ​​សម្រាប់​ផលិត​ស៊ីម៉ងត៍​​ និង​១ទៀត​ទៅកាន់​ការ​ជីក​យក​រ៉ែ​ផូស្វ័ត​។​5

សៀវភៅភូគព្ភសាស្ត្រសហរដ្ឋអាមេរិកប្រចាំឆ្នាំ ២០១២

សៀវភៅភូគព្ភសាស្ត្រសហរដ្ឋអាមេរិកប្រចាំឆ្នាំ ២០១២


​​ទិន្នន័យ​អគ្គនាយកដ្ឋាន​ធនធាន​រ៉ែ​​កម្ពុជា​បាន​បង្ហាញ​ថា ​ទិន្នផល​ផលិតកម្ម​រ៉ែ​ទទួល​បានកា​ររីកចម្រើនក្នុង​រយៈពេល​ចន្លោះ​ពី​ឆ្នាំ​ ២០០៨​ ដល់​ឆ្នាំ​ ២០១២​ ក៏​ដូច​ជា​មានការ​កើនឡើង​តិចតួច​ពីចន្លោះ​ឆ្នាំ​ ២០១១​ ដល់​ឆ្នាំ​ ២០១២​។​ ជា​មធ្យម​ កំណើន​នេះ​ស្ថិត​នៅ​ពី​ចន្លោះ​ ១១%​ទៅ​១៦%​ ដែល​ក្នុង​នោះ​ផលិតកម្ម​ស៊ីម៉ង់ត៍​កើនឡើង​ ១៦%​ ថ្ម​គ្រួ​ស​កើនឡើង​១២%​  ថ្មបាយក្រៀម​កើនឡើង​ ១៦.២%​ និង​កំទេច​ថ្ម​កើនឡើង​១២%​  ។​6

ធ្វើបច្ចុប្បន្នភាពនៅ៖ ថ្ងៃ​ទី​ ០២​ ខែ វិច្ឆិកា​ ឆ្នាំ២០១៦

ឯកសារយោង

  • 1. Yadira,​ S​ and​ Yolanda,​ F,​ សៀវភៅ​ស្ទាបស្ទង់​ភូគព្ភសាស្ត្រ​ឧស្សាហកម្ម​រ៉ែ​នៅ​កម្ពុជា​របស់​សហរដ្ឋអាមេរិក​ប្រចាំឆ្នាំ​២០១១.​ចូល​អាន​នៅ​២២​ ខែវិច្ឆិកា​ ឆ្នាំ​ ២០១៥​។ http://minerals.usgs.gov/minerals/pubs/country/2011/myb3-2011-cb.pdf
  • 2. Angkor Gold Corp. “រដ្ឋា​ភិ​បាល​កម្ពុ​ជា​ចេញ​អាជ្ញា​បណ្ណ​ធ្វើ​អាជី​វកម្ម​រុក​រក​រ៉ែ​មាសជា​លើក​ដំបូង​ដល់​ក្រុម​ហ៊ុន​ Mesco Gold”​។ ចូល​អាន​​ថ្ងៃ​ទី​ ១​ ខែ​ វិច្ឆិកា​ ឆ្នាំ​ ​២០១៦ ។ http://www.angkorgold.ca/cambodian-government-issues-first-commercial-mining-license-to-mesco-gold/
  • 3. Yolanda,​ F,​ សៀវភៅ​ស្ទាបស្ទង់​ភូគព្ភសាស្ត្រ​ឧស្សាហកម្ម​រ៉ែ​នៅ​កម្ពុជា​របស់​សហរដ្ឋអាមេរិក​ប្រចាំឆ្នាំ​២០១២.ចូល​អាន​នៅ​ថ្ងៃ​ទី​ ២២​ ខែ​វិ​ច្ជិ​កា​ ឆ្នាំ​ ២០១៥​។​ http://minerals.usgs.gov/minerals/pubs/country/2012/myb3-2012-cb.pdf
  • 4. Yolanda,​ F,​ ដូច​ខាង​ដើម​.
  • 5. អគ្គនាយកដ្ឋានធនធានរ៉ែ. ក្រសួងរ៉ែ និងថាមពល. ២០១៤។ http://www.mme.gov.kh/administrator/gd-link-page.php?gd1=925
  • 6. Yolanda,​ F,​ ដូច​ខាង​ដើម​.
ទំនាក់ទំនងយើងខ្ញុំ

ទំនាក់ទំនងយើងខ្ញុំ

បើលោកអ្នកមានសំនួរទាក់ទងនឹងខ្លឹមសារផ្សាយនៅលើគេហទំព័រ Open Development Cambodia (ODC)? យើងខ្ញុំ​នឹង​ឆ្លើយ​តប​​ដោយ​ក្តី​រីក​រាយ។

តើអ្នកបានឃើញបញ្ហាបច្ចេកទេសណាមួយនៅលើគេហទំព័រOpen Development Cambodia (ODC) ដែរឬទេ?

តើលោកអ្នកយល់យ៉ាងដូចម្តេចដែរចំពោះការងាររបស់អូឌីស៊ី?

តើលោកអ្នកមានឯកសារដែលអាចជួយពង្រីក​គេហទំព័រOpen Development Cambodia (ODC) ដែរ​ឬទេ​?​ យើងខ្ញុំ​នឹង​ធ្វើការ​ត្រួតពិនិត្យ​រាល់​ទិន្នន័យ​អំពី​ផែនទី​ ច្បាប់​ អត្ថបទ​ និង​ ឯកសារ​ដែល​ពុំ​មាននៅ​លើ​គេហទំព័រ​នេះ​ ហើយ​ពិចារណា​បោះផ្សាយ​ទិន្នន័យ​ទាំងនោះ​។​ សូម​មេត្តា​ផ្ញើ​តែ​ឯកសារ​ណា​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative Commons

ឯកសារត្រូវបានលុប
មានបញ្ហា!

កំណត់សម្គាល់៖ Open Development Cambodia (ODC) នឹង​ធ្វើការ​ត្រួតពិនិត្យ​រាល់​ឯកសារ​ដែល​បាន​បញ្ជូន​មក​យ៉ាង​ហ្មត់ចត់​ ដើម្បី​កំណត់​ភាព​ត្រឹមត្រូវ​ និង​ពាក់ព័ន្ធ​ មុន​ពេលធ្វើការ​បង្ហោះ​ផ្សាយ​។​ រាល់​ឯកសារ​ដែល​បាន​បង្ហោះ​ផ្សាយ​នឹង​ជា​ឯកសារ​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative​ Commons​។​ យើងខ្ញុំ​សូម​អគុណ​សំរាប់​ការ​គាំទ្រ​របស់​លោក​អ្នក​។​

xZeVP
* ប្រអប់មតិមិនអាចទទេ! មិនអាចបញ្ចូនបាន សូមធ្វើការបញ្ចូនម្តងទៀត! Please add the code correctly​ first.

សូម​អរគុណ​សំរាប់​ការ​ចំនាយ​ពេល​ក្នុង​ការ​ចែក​រំលែក​មក​កាន់​យើងខ្ញុំ!