ការនេសាទត្រីបែបពាណិជ្ជកម្ម និងធនធានជលផលធម្មជាតិ

Sorting the Catch, Cambodia. Photo by Julia Maudlin, taken on 27 January 2014. Licensed under Creative Commons Attribution 2.0 Generic.

អ្នកនេសាទកំពុងបែងចែកផលត្រីដែលចាប់បាន។ រូបភាព ថតដោយ Julia Maudlin, ២៧ មករា ២០១៤។ ក្រោមអាជ្ញាប័ណ្ណ CC BY 2.0

យោងតាមច្បាប់ជលផលឆ្នាំ២០០៦ សកម្មភាពនេសាទ ចែកចេញជាបីប្រភេទធំៗ ដូចជា ការនេសាទលក្ខណៈគ្រួសារឬចិញ្ចឹមជីវិត ការនេសាទលក្ខណៈខ្នាតតូច និងការនេសាទលក្ខណៈពាណិជ្ជកម្ម។

ការនេសាទត្រីលក្ខណៈពាណិជ្ជកម្ម ត្រូវបានអនុញ្ញាតឱ្យធ្វើការនេសាទ តែនៅក្នុងរដូវកាលនេសាទ អំឡុងខែតុលាដល់ខែឧសភា ខណៈពេលដែលការនេសាទជាលក្ខណៈគ្រួសារ អាចចូលនេសាទបានពេញមួយឆ្នាំ។ ទោះបីជាមានការរឹតបន្តឹងលើការប្រតិបត្ដិការពាណិជ្ជកម្ម និងការប្រើប្រាស់ប្រភេទឧបករណ៍នេសាទក្តី ផលចាប់ត្រីបាន នៅមានបរិមាណច្រើន។1

វិទ្យាស្ថានការអភិវឌ្ឍស្រាវជ្រាវជលផល បានប៉ាន់ប្រមាណតម្លៃសរុបនៃផលិតកម្មជលផលកម្ពុជា ស្ថិតនៅចន្លោះពី ១.២ ទៅ ១.៦ ពាន់លានដុល្លារអាមេរិក ដែលក្នុងនោះមាន៖2

  • ៨០០ លានដុល្លារអាមេរិក ដល់ ១,០០០ លានដុល្លារអាមេរិក បានមកពីធនធានជលផលទឹកសាប
  • ៩៧ លានដុល្លារអាមេរិក ដល់ ១១៧ លានដុល្លារអាមេរិក បានមកពីវារីវប្បកម្មទឹកសាប
  • ១១ លានដុល្លារអាមេរិក ដល់ ១៣ លានដុល្លារអាមេរិក បានមកពីវារីវប្បកម្មទឹកសមុទ្រ
  • ៣២៥ លានដុល្លារអាមេរិក ដល់ ៤២៥ លានដុល្លារអាមេរិក បានមកពីធនធានជលផលទឹកសមុទ្រ

នៅក្នុងឆ្នាំ២០១២ ដើម្បីឆ្លើយតបទៅនឹងការព្រួយបារម្ភអំពីការនេសាទហួសប្រមាណដែលអាចបំផ្លិចបំផ្លាញធនធានត្រីក្នុងស្រុក រដ្ឋាភិបាលបានសម្រេចដកហូតអាជ្ញាប័ណ្ណឡូតិ៍នេសាទទាំងអស់។ ការនេសាទត្រីបែបពាណិជ្ជកម្មលើបឹងទន្លេសាប ត្រូវបានហាមឃាត់ជអចិន្ត្រៃយ៍។3 គោលបំណង គឺដើម្បីស្តារជីវភាពរបស់អ្នកភូមិក្នុងការនេសាទ និងដើម្បីជំរុញឱ្យមានការអភិរក្សផងដែរ។

ចាប់តាំងពីការហាមឃាត់នេះ ឡូតិ៍នេសាទត្រីសរុបចំនួន ១៥៨ ស្មើនឹង ៩៥៣,៨៦១ ហិកតា ត្រូវបានលុបចោលដែលក្នុងនោះ ប្រមាណ ៩៨,០០០ ហិកតា ត្រូវបានកំណត់ជាតំបន់អភិរក្ស។ រដ្ឋាភិបាលសម្រេចលុបចោលឡូត៍នេសាទ ដើម្បីបំពេញផ្លូវទឹក និងជួយស្តារជីវភាពអ្នកនេសាទខ្នាតតូច ក៏ប៉ុន្តែការនេសាទខុសច្បាប់នៅតែជាបញ្ហាសំខាន់ដែលកើតមានឡើង។4

កាលពីខែមិនា ឆ្នាំ២០១៤ កាសែតភ្នំពេញប៉ុស្តិ៍ បានចុះផ្សាយថា ផលិតកម្មជលផលក្នុងស្រុក បានកើនឡើងគួរឱ្យកត់សម្គាល់ ចាប់តាំងពីមានការហាមឃាត់នេះ។ គួរបញ្ជាក់ថា ផល​ត្រី​សរុប​ប្រមូល​បាន​មាន​ប្រមាណ ៧១៨ ពាន់​តោន ​កើន​លើស​ឆ្នាំ​២០១២ ​ចំនួន ៣៦ ពាន់​តោន។5

បានធ្វើបច្ចុប្បន្នភាព៖ ៣០ កញ្ញា ២០១៥

ទាក់ទងនឹងការនេសាទត្រីបែបពាណិជ្ជកម្ម និងធនធានជលផលធម្មជាតិ

ឯកសារយោង

  • 1. K.G. Hortle, S. Lieng and J. Valbo-Jorgensen. ២០១៤. សេចក្តីផ្តើមស្តីពីជលផលទឹកសាបរបស់ប្រទេសកម្ពុជា. ការអភិវឌ្ឍតំបន់ទន្លេមេគង្គ Series No. 4. ភ្នំពេញ៖ គណៈកម្មការទន្លេមេគង្គ.
  • 2. ណៅ ធួក. ២០១៤. “ការវាយតម្លៃសុខុមាលភាពជលផលរបស់ប្រទេសកម្ពុជា.” The Cambodia Herald, ១ សីហា ២០១៤. ដកស្រង់ ១ មិថុនា ២០១៥, https://opendevelopmentcambodia.net/news/assessing-the-welfare-value-of-cambodias-fisheries/.
  • 3. វង្ស សុខេង និង ម៉ៃ គុណមករា. ២០១២. “សម្តេចហ៊ុនសែនបិទឧស្សាហកម្មត្រីនៅបឹងទន្លេនេសាបជាអចិន្ត្រៃយ៍.”កាសែតភ្នំពេញប៉ុស្តិ៍, ២៩ កុម្ភះ ២០១៤. ដកស្រង់ ១ មិថុនា ២០១៥, http://www.phnompenhpost.com/business/hun-sen-bans-industry-fishing-tonle-sap-lake-permanently.
  • 4. សែន ដាវីត. ២០១៤. “នាយក​រដ្ឋ​មន្ត្រី​ជំរុញ​ឲ្យ​បន្ត​បង្ក្រាប​បទល្មើស​នេសាទ​ទូទាំង​ប្រទេស.”កាសែតភ្នំពេញប៉ុស្តិ៍, ៣១ មិនា ២០១៤. ដកស្រង់ ១ កក្កដា ២០១៥, http://bit.ly/1MRTi8G.
  • 5. ដូចលេខយោងខាងលើ
ទំនាក់ទំនងយើងខ្ញុំ

ទំនាក់ទំនងយើងខ្ញុំ

បើលោកអ្នកមានសំនួរទាក់ទងនឹងខ្លឹមសារផ្សាយនៅលើគេហទំព័រ Open Development Cambodia (ODC)? យើងខ្ញុំ​នឹង​ឆ្លើយ​តប​​ដោយ​ក្តី​រីក​រាយ។

តើអ្នកបានឃើញបញ្ហាបច្ចេកទេសណាមួយនៅលើគេហទំព័រOpen Development Cambodia (ODC) ដែរឬទេ?

តើលោកអ្នកយល់យ៉ាងដូចម្តេចដែរចំពោះការងាររបស់អូឌីស៊ី?

តើលោកអ្នកមានឯកសារដែលអាចជួយពង្រីក​គេហទំព័រOpen Development Cambodia (ODC) ដែរ​ឬទេ​?​ យើងខ្ញុំ​នឹង​ធ្វើការ​ត្រួតពិនិត្យ​រាល់​ទិន្នន័យ​អំពី​ផែនទី​ ច្បាប់​ អត្ថបទ​ និង​ ឯកសារ​ដែល​ពុំ​មាននៅ​លើ​គេហទំព័រ​នេះ​ ហើយ​ពិចារណា​បោះផ្សាយ​ទិន្នន័យ​ទាំងនោះ​។​ សូម​មេត្តា​ផ្ញើ​តែ​ឯកសារ​ណា​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative Commons

ឯកសារត្រូវបានលុប
មានបញ្ហា!

កំណត់សម្គាល់៖ Open Development Cambodia (ODC) នឹង​ធ្វើការ​ត្រួតពិនិត្យ​រាល់​ឯកសារ​ដែល​បាន​បញ្ជូន​មក​យ៉ាង​ហ្មត់ចត់​ ដើម្បី​កំណត់​ភាព​ត្រឹមត្រូវ​ និង​ពាក់ព័ន្ធ​ មុន​ពេលធ្វើការ​បង្ហោះ​ផ្សាយ​។​ រាល់​ឯកសារ​ដែល​បាន​បង្ហោះ​ផ្សាយ​នឹង​ជា​ឯកសារ​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative​ Commons​។​ យើងខ្ញុំ​សូម​អគុណ​សំរាប់​ការ​គាំទ្រ​របស់​លោក​អ្នក​។​

2ABHw
* ប្រអប់មតិមិនអាចទទេ! មិនអាចបញ្ចូនបាន សូមធ្វើការបញ្ចូនម្តងទៀត! Please add the code correctly​ first.

សូម​អរគុណ​សំរាប់​ការ​ចំនាយ​ពេល​ក្នុង​ការ​ចែក​រំលែក​មក​កាន់​យើងខ្ញុំ!