អណ្តូងប្រេងក្រោមដី។ រូបភាព ថតដោយ Rick Kimpel កាលពីថ្ងៃទី១៧ ខែមីនា ឆ្នាំ២០០៦។ក្រោមអាជ្ញាប័ណ្ណ៖ CC BY-SA 2.0
មានប្លុកដីគោកចំនួន១៩ (I ដល់ XIX) និងតំបន់ចំនួនបួនទៀតស្ថិតក្នុងតំបន់ត្រួតស៊ីគ្នា (OCA) ដែលបច្ចុប្បន្នកំពុងមានជម្លោះជាមួយប្រទេសថៃ។ ប្លុកដីគោកមិនទាន់ទទួលបានការអភិវឌ្ឍច្រើនទេ ដែលមានតែអាជ្ញាប័ណ្ណបីប៉ុណ្ណោះដែលបានផ្តល់ចេញសម្រាប់ ការរុករកនៅតំបន់ខាងក្រោម៖
ប្លុក XII: មានទីតាំងស្ថិតនៅភាគខាងលិចទន្លេសាបនិងបានផ្តល់អាជ្ញាប័ណ្ណទៅ កាន់ក្រុមហ៊ុន Medco Energi និងក្រុមហ៊ុន JHL Petroleum ។
ប្លុក XV : មានទីតាំងស្ថិតនៅភាគខាងកើតនៃបឹងទន្លេសាបក្នុងខេត្តកំពង់ធំនិង បានផ្តល់អាជ្ញាប័ណ្ណដល់ក្រុមហ៊ុន Petro Vietnam ។
ប្លុក XVII : មានទីតាំងស្ថិតនៅក្នុងខេត្តព្រះវិហារ ខេត្តសៀមរាបនិងខេត្តកំពង់ធំ ដែលគ្របដណ្តប់លើផ្ទៃដី ៦៥០០គីឡូម៉ែត្រការេ ។ អាជ្ញាប័ណ្ណបានផ្តល់ទៅកាន់ក្រុមហ៊ុនសាជីវកម្ម ប្រេងឧស្ម័ននិង លោហៈជាតិជប៉ុន។
តំបន់ត្រួតស៊ីគ្នា (OCA)
មានប្លុកចំនួន បួនមានទីតាំងស្ថិតនៅក្នុងតំបន់ដែលត្រួតស៊ីគ្នា (OCA) រវាងកម្ពុជានិងថៃដែលមានទំហំ ២៧០០០គីឡូម៉ែត្រការេ ហើយត្រូវបានគេប៉ាន់ប្រមាណថាមានឧស្ម័នធម្មជាតិរហូតដល់ទៅ ១១ ពាន់ពាន់លានគូបនិងបរិមាណប្រេងមិនអាចកំណត់បានមួយចំនួនទៀត។ 1 អនុស្សរណៈនៃការយោគយល់គ្នា (MOU) ត្រូវបានចុះហត្ថលេខារវាងប្រទេសទាំងពីរនៅក្នុងឆ្នាំ ២០០១ ដែលបានកំណត់ជាបរិបទនៃការអភិវឌ្ឍរូមមួយនៅលើតំបន់មួយចំនួនរួម គ្នាក៏ដូចជាកំណត់ព្រំដែនសមុទ្ររវាងប្រទេសទាំងពីរផងដែរ។2ប៉ុន្ដែនៅឆ្នាំ ២០០៩ អនុស្សរណៈយោគយល់គ្នានេះត្រូវបានផ្អាកដោយប្រទេសថៃ។ ទោះបីជាមានភាពមិនប្រកដប្រជាកើតមានឡើងក៏ដោយ ក៏មានក្រុមហ៊ុនមួយចំនួនបានសម្តែងចំណាប់អារម្មណ៍ក្នុងការរុករករ៉ែ នៅតំបន់ត្រួតស៊ីគ្នានេះដែរ។ ដើម្បីឆ្លើយតបនឹងកិច្ចសន្យាលើតំបន់ត្រួតស៊ីគ្នានេះ (resolution of the claims)កម្ពុជាបានផ្ដល់អាជ្ញាប័ណ្ណមានលក្ខខណ្ឌទៅកាន់ក្រុមហ៊ុន IDEMITSU និង Conocco Phillipsសម្រាប់ការរុករកនៅតំបន់ទី I និងទី II, និងរួមគ្នា(total) សម្រាប់តំបន់ទី III ។3
ធ្វើបច្ចុប្បន្នភាពនៅថ្ងៃទី១៨ ខែមករា ឆ្នាំ២០១៦
ទាក់ទងនឹងការរុករក និងទាញយកប្រេងនិងឧស្ម័នក្រោមដី
ការរុករក និងទាញយកប្រេង និង ឧស្ម័នពីក្រោមបាតសមុទ្រ
ឯកសារយោង
- 1. CLC អាសុី ឆ្នាំ២០១០. “ការតស៊ូរវាងកម្ពុជានិងថៃជុំវិញធនធានប្រេងនិងឧស្ម័ន” ,ថ្ងៃទី១៦ ខែកញ្ញា ឆ្នាំ២០១០. http://www.clc-asia.com/analysis/the-struggle-between-thailand-and-cambodia-over-oil-and-gas-resources/
- 2. រស្មីអ៊ុុំ, ២០០៩. របាយការណ៍តាមផ្នែក: ប្រេងនិងឧស្ម័ន កម្ពុជា. ស្ថានទូតអង់គ្លេសប្រចាំនៅភ្នំពេញ, ថ្ងៃទី០៩ ខែតុលា ឆ្នាំ២០០៩.
- 3. CNPA 2015. http://cnpa.gov.kh/index.php?option=com_content&view=article&id=51&Itemid=126&limitstart=1
