ការរុករករ៉ែស្ពាន់ ត្រូវបានប្រមូលផ្តុំនៅខេត្តព្រះវិហារ ដែលឋិតនៅភាគខាងជើងនៃប្រទេសកម្ពុជា។ ក្រុមហ៊ុនរុករកដែលមានសកម្មភាពច្រើនជាងគេ គឺក្រុមហ៊ុន Geopacific Resources ដែលមានមូលដ្ឋាននៅប្រទេសអូស្ត្រាលី។ក្រុមហ៊ុននេះមានសហប្រតិបត្តិការជាមួយក្រុមហ៊ុនរ៉ូយ៉ាល់គ្រុបរបស់អ្នកឧកញ៉ាគិតម៉េង ។
ទីតាំងរ៉ែស្ពាន់ដ៏ធំមួយនៅ Arizona រូបភាព ថតដោយ cobalt123 កាលពីថ្ងៃទី០៦ ខែតុលា ឆ្នាំ ២០១៤។អាជ្ញាប័ណ្ណ៖ CC BY-NC 2.0
ក្រុមហ៊ុន Geopacific Resources និងក្រុមហ៊ុនរ៉ូយ៉ាល់គ្រុប
ក្រុមហ៊ុន Geopacific Resources កំពុងធ្វើការជាមួយក្រុមហ៊ុនរ៉ូយ៉ាល់គ្រុប ដែលមានមូលដ្ឋាននៅកម្ពុជាទៅលើគម្រោងគូសា។ គូសា ជាគម្រោងរុករកមួយនៅលើផ្ទៃដីទំហំ ១៥៨គីឡូម៉្រែតការេ នៅក្នុងតំបន់ប្រាសាទព្រះវិហារដែលបានចាប់ផ្តើមការរុករកក្នុងឆ្នាំ២០១៣។1 នាយកគ្រប់គ្រងបានឱ្យដឹងថាការងាររុករកប្រេងនេះនឹងក្លាយជាគម្រោងដែលមានស្ថេរភាពសេដ្ឋកិច្ចមួយ។2
ក្រុមហ៊ុន Geopacific Resources បានចុះហត្ថលេខាលើកិច្ចព្រមព្រៀងលក់ និងជាវមួយជាមួយនឹងក្រុមហ៊ុន Golden Resources Development Co., Ltd ដែលជាក្រុមហ៊ុនមានទីតាំងនៅប្រទេសកម្ពុជា និងគ្រប់គ្រងដោយម្ចាស់អាជីវកម្មជនជាតិកូរ៉េខាងត្បូង។ កិច្ចព្រមព្រៀងលក់នេះ ជាជម្រើសមួយដើម្បីទទួលបានការប្រាក់៨៥%ក្នុងគម្រោងគូសា។3១៥ភាគរយទៀតដែលនៅសល់ត្រូវបានទិញដោយក្រុមហ៊ុនបុត្រសម្ព័ន្ធមួយរបស់ក្រុមហ៊ុនរ៉ូយ៉ាល់គ្រុប។4
កាលពីខែកក្កដា ឆ្នាំ២០១៥ ក្រុមហ៊ុន Geopacific បានផ្តល់ជាទឹកប្រាក់ចំនួន ២៣លានដុល្លារ ដើម្បីជាមូលនិធិដល់ការរុករករ៉ែក្នុងរយៈពេល ១២ខែ និងបានប្រកាសថា ការសិក្សាពីវិសាលភាពនឹងត្រូវបញ្ចប់នៅក្នុង ២០១៦។5
តម្លៃទំនិញ ដែលរួមមានតម្លៃលោហៈធាតុកំពុងមានការធ្លាក់ចុះ។ តម្លៃទីផ្សារសម្រាប់រ៉ែស្ពាន់ ត្រូវបានធ្លាក់ចុះពាក់កណ្តាលក្នុងរយៈពេលបួនឆ្នាំកន្លងមកនេះ។6 កត្តាទាំងនេះបានធ្វើឱ្យការអភិវឌ្ឍ និងការរុករករ៉ែនៅក្នុងតំបន់ថ្មីស្រឡាងមានភាពប្រថុយប្រថានច្រើន និងមិនសូវមានភាពទាក់ទាញសម្រាប់ក្រុមហ៊ុនអន្តរជាតិថ្មីឱ្យចូលមកក្នុងទីផ្សារកម្ពុជាបច្ចុប្បន្ន។7
ធ្វើបច្ចុប្បន្នភាពនៅថ្ងៃទី០៤ ខែវិច្ជិកា ឆ្នាំ២០១៥
ទាក់ទងនឹងស្ពាន់
ឯកសារយោង
- 1. គេហទំព័រក្រុមហ៊ុន Geopacific Resources.២០១៥.https://geopacific.com.au/cambodia/ ចូលអាននៅថ្ងៃទី ២៧ខែតុលា ឆ្នាំ២០១៥.
- 2. សំណួរនិងចម្លើយជាមួយ Ron Heeks នាយកគ្រប់គ្រងក្រុមហ៊ុន Geopacific Resources. ថ្ងៃទី៣០ ខែកញ្ញា ឆ្នាំ២០១៥.http://finfeed.com/mining/gpr/qa-with-ron-heeks-managing-director-at-geopacific-resources/20150930/. ចូលអាននៅថ្ងៃទី២០ ខែតុលា ឆ្នាំ ២០១៥.
- 3. Geopacific. ដូចខាងដើម
- 4. Geopacific. ដូចខាងដើម
- 5. Fraser Beattie, ០៣ កក្កដា ២០១៥.”ក្រុមហ៊ុន Geopacific គ្រោងនឹងរិះអង្គាសមូលនិធិ ជាទឹកប្រាក់ប្រមាណ២៣លានដុល្លារសម្រាប់គម្រោងនៅកម្ពុជា” http://www.businessnews.com.au/ ចូលអាននៅថ្ងៃទី២០ ខែតុលា ឆ្នាំ ២០១៥.
- 6. Nasdaq. ២០១៥. https://www.nasdaq.com/markets/copper.aspx?timeframe=5y ចូលអាននៅថ្ងៃទី២៧ ខែតុលា ឆ្នាំ ២០១៥.
- 7. អូន ភាព, ២០១៦. “ក្រុមហ៊ុនរុករករ៉ែរបស់ចិនត្រូវបានផ្អាកក្រោយពីប៉ុនប៉ងនាំចេញដោយខុសច្បាប់”។ ឌឹ ខេមបូឌា ដេលី ចុះថ្ងៃទី១៨ ខែមករា ឆ្នាំ២០១៦។ https://www.cambodiadaily.com/news/chinese-mining-firm-suspended-after-attempted-illegal-export-105678/
