ក្រុុមហ៊ុនចម្រាញ់ប្រេង United Refining នៅទីក្រុង Warren រដ្ឋ Pennsylvania។រូបភាព ថតដោយ OZinOH កាលពីថ្ងៃទី៣០ ខែឧសភា ឆ្នាំ២០១០។ក្រោមអាជ្ញាប័ណ្ណ៖ CC BY-NC 2.0
ក្នុងពេលបច្ចុប្បន្ន មិនមានបរិក្ខារសម្រាប់ការចម្រាញ់ប្រេងជាលក្ខណៈឧស្សាហកម្មឡើយនៅកម្ពុជា។ទោះបីជាមានកិច្ចព្រមព្រៀងក្នុងការធ្វើរោងចក្រចម្រាញ់ប្រេងដែលបានប្រកាសនៅឆ្នាំ២០១៣ក៏ដោយ គម្រោងនេះត្រូវបានពន្យាពេល។រោងចក្រចម្រាញ់ប្រេងនឹងជាអត្ថប្រយោជន៏ដ៏គួរឱ្យកត់សម្គាល់សម្រាប់ប្រទេសកម្ពុជានៅពេលការផលិតប្រេងក្នុងប្លុកដែនគោកនិងដែនសមុទ្រត្រូវបានចាប់ផ្តើម ។
នៅខែមេសាឆ្នាំ២០១៣ កិច្ចព្រមព្រៀងអនុសារណៈនៃការយោគយល់គ្នាមួយរវាងក្រុមហ៊ុន Cambodian Petrochemical Company (CPC) និងក្រុមហ៊ុនសាជីវកម្ម Sinomac China Perfect Machinery Industry របស់ចិនត្រូវបានបង្កើតឡើងសម្រាប់រោងចក្រចម្រាញ់ប្រេងទី១របស់ប្រទេសកម្ពុជា។ គម្រោងការសាងសង់តម្លៃ២.៣ពាន់លានដុល្លារនេះត្រូវបានព្យាករណ៍ថានឹង ត្រូវការរយៈពេល៣ឆ្នាំដើម្បីបញ្ចប់ការសាងសង់ដោយបរិបូរណ៌នៅលើផ្ទៃដី៣៦៥ហិកតានៅទល់ដែនខេត្តព្រះសីហនុនិងខេត្តកំពត។មានការ ព្យាករណ៍ថាការសាងសង់នឹងត្រូវបញ្ចប់ទាំងស្រុងក្នុងឆ្នាំ២០១៨ ដោយមានធនាគារ Export-Importរបស់ចិន (ធនាគារ Exim)ផ្តល់ជាប្រាក់ហិរញ្ញប្បទានវិនិយោគដំបូងក្នុងទឹកប្រាក់ចំនួន១.៦៧ពាន់លានដុល្លារ។1ក្រុមហ៊ុន Sinomacបានប៉ានស្មានថានឹងផលិតប្រេង៥លានតោនក្នុង១ឆ្នាំ ដោយក្នុងនោះ ២លានតោនសម្រាប់ការផ្គត់ផ្គង់ក្នុងស្រុកនិង៣លានតោនសម្រាប់នាំចេញទៅលក់ ក្នុងប្រទេសនៃសមាជិកអាស៊ាន។
គម្រោងនេះត្រូវបានពន្យាពេល ដោយសារផលវិបាកនៃការរៀបចំគម្រោង។ នៅដើមឆ្នាំ២០១៥ ក្រុមហ៊ុន Cambodia Petroleum បានឱ្យដឹងថាដំណាក់កាលដំបូងនៃគម្រោងរោងចក្រចម្រាញ់ប្រេងរបស់ពួកគេ កំពុងដំណើរការជាបណើ្តរៗ ប៉ុន្តែការងារស្ថាបនាសំខាន់ៗនៅមិនទាន់រួចរាល់នៅឡើយ។2
ធ្វើបច្ចុប្បន្នភាពនៅថ្ងៃទី ០១ ខែកក្កដា ឆ្នាំ២០១៥
ឯកសារយោង
- 1. Wayne Ma & Chuin-Wei Yap. “”ប្រទេសចិនបានផ្តល់ហិរញ្ញប្បទានរោងចក្រចម្រាញ់សម្រាប់ប្រទេសកម្ពុជា” ។ កាសែត វ៉លស្ទ្រីត ជឺណល.ចូលអាននៅថ្ងៃទី ១៦ ខែតុលាឆ្នាំ ២០១៤.https://www.wsj.com/articles/china-to-finance-cambodian-refinery-1381929496
- 2. ចាន់ មួយហុង “ពុំមានកាលបរិច្ឆេទសម្រាប់ការបញ្ចប់រោងចក្រផលិតប្រេង”.ភ្នំពេញប៉ុស្តិ៍.ចូលអាននៅថ្ងៃទី ០៣ ខែមេសាឆ្នាំ ២០១៥. http://www.phnompenhpost.com/business/no-end-date-sight-oil-plant-completion
